ആലപ്പുഴ: ജില്ലാ എംപ്ലോയ്‌മെന്റ് എക്‌സ്‌ചേഞ്ചിനു കീഴിലുളള എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ മെയ് രണ്ടിന് കായംകുളം എംപ്ലോയ്‌മെന്റ് എക്‌സ്‌ചേഞ്ചില്‍ രജിസ്‌ട്രേഷനും ക്ലാസും നടത്തും. മിനിമം യേഗ്യത പ്ലസ്ടൂ. 18നും 35നും ഇടയ്ക്ക് പ്രായമുളള ഉദ്യോഗാര്‍ഥികള്‍ക്ക് രജിസ്റ്റര്‍ ചെയ്യാവുതാണ്.
രജിസ്റ്റര്‍ ചെയ്യുന്ന ഉദ്യോഗാര്‍ഥികള്‍ക്കു തൊഴിലിനു സജ്ജമാക്കുന്നതിനു വേണ്ട പരിശീലനവും നല്‍കുന്നതാണ്. 250 രൂപയും, ബയോഡാറ്റയും, ഐ.ഡി കാര്‍ഡിന്റെ കോപ്പിയും, ഇ-മെയില്‍ ഐ.ഡിയും കൊടുത്ത് പേര് രജിസ്റ്റര്‍ ചെയ്യാവുന്നതാണ്. രജിസ്റ്റര്‍ ചെയ്യുന്ന ഉദ്യോഗാര്‍ഥികള്‍ക്ക് എംപ്ലോയ്‌മെന്റ് എക്‌സ്‌ചേഞ്ച് മുഖാന്തിരം ആഴ്ചതോറും നടക്കുന്ന സ്വകാര്യ മേഖലയിലേക്കുളള എല്ലാ അഭിമുഖങ്ങളിലും പങ്കെടുക്കാവുന്നതാണ്.
അവസരങ്ങളെക്കുറിച്ചുളള വിവരങ്ങള്‍ ഉദ്യോഗാര്‍തികള്‍ക്ക്  എസ്.എം.എസായി ലഭിക്കുന്നതാണ്.രജിസ്റ്റര്‍ ചെയ്യാന്‍ താത്പര്യമുളള ഉദ്യോഗാര്‍ഥികള്‍ മെയ് രണ്ടിന് രാവിലെ 10 മണിക്ക് കായംകുളം എംപ്ലോയ്‌മെന്റ് എക്‌സ്‌ചേഞ്ചില്‍  എത്തിച്ചേരേണ്ടതാണ്. ഫോണ്‍ - 0477-2230624, 9656581883.