വെള്ളമുണ്ട: ചുട്ടുപൊള്ളുന്ന വേനലില്‍ തെരുവ് പട്ടിക്ക് ജീവന്‍ നിലനിര്‍ത്താന്‍ കാരുണ്യത്തിന്റെ ഉറവ വറ്റാത്ത കൈകള്‍.
മാനന്തവാടി കുറ്റ്യാടി റോഡില്‍ വെള്ളമുണ്ട ഒമ്പതാംമൈലില്‍ സെന്റ് ആന്‍സ് ഇംഗ്ലീഷ് മീഡിയം സ്‌കൂളിന് സമീപത്താണ് ഗുരുതരമായി പരുക്കേറ്റ നായ എഴുന്നേറ്റ് നില്‍ക്കാന്‍ പോലും കഴിയാത്ത അവസ്ഥയില്‍ കഴിയുന്നത്. മൂന്ന് ദിവസം മുമ്പ് റോഡ്മുറിച്ചു കടക്കുന്നതിനിടെ വാഹനം തട്ടിത്തെറിപ്പിച്ചിട്ടതാണിതിനെ.
കിടന്നിടത്ത് നിന്നും ചലിക്കാന്‍ പോലും കഴിയാത്ത നായയുടെ ദയനീയ നിലവിളി കേട്ടാണ് തൊട്ടടുത്ത താമസക്കാരനായ കുറ്റിപ്രവന്‍അബദുല്ല നായയെ പരിചരിക്കാന്‍ തുടങ്ങി. ഇപ്പോള്‍ മൂന്ന് നേരവും ഭക്ഷണവും ചൂടിന് ശമനം ലഭിക്കാന്‍ ഇടക്കിടെ വെള്ളവും നല്‍കി വരികയാണിദ്ധേഹം.