കൊണ്ടോട്ടി: അടക്ക മോഷണം പതിവാക്കിയ അഞ്ചംഗ സംഘത്തെ കൊണ്ടോട്ടി പൊലിസ് അറസ്റ്റ് ചെയ്തു. വിളയില്‍ കുന്നത്ത് ആറില്‍ ശിഹാബുദ്ദീന്‍(26), വിളയില്‍ സി.പി അന്‍വര്‍(19), വിളയില്‍ മുഹമ്മദ് ഇജാസ് അസ്‌ലം(19), കിഴിശ്ശേരി ചേരിക്ക് ഉസ്മാന്‍(43), മേലങ്ങാടി ചെപ്പില്‍ പാടത്ത് ജലാലുദ്ദീന്‍(39) എന്നിവരെയാണ് അരീക്കോട് അങ്ങാടിയില്‍ വെച്ച് കൊണ്ടോട്ടി പൊലിസ് അറസ്റ്റ് ചെയ്തത്.ഇവരില്‍ നിന്ന് മോഷണത്തിന് ഉപയോഗിച്ച വാടക കാറും, ഗുഡ്‌സ് ഓട്ടോറിക്ഷയും പൊലിസ് കസ്റ്റഡിയിലെടുത്തിട്ടു@്.
വീട്ട് മുറ്റത്തും കടകളിലും സൂക്ഷിക്കുന്ന അടക്ക വാഹനങ്ങളുമായി എത്തി മോഷ്ടിക്കുന്നതാണ് ഇവരുടെ രീതിയെന്ന് പൊലിസ് പറഞ്ഞു. ഇതിനായി വാടകക്ക് ഒരു കാറെടുത്തിട്ടുണ്ട്. ഒരു ലക്ഷത്തിലധികം അടക്ക പല സ്ഥലങ്ങളില്‍ നിന്ന് മോഷ്ടിച്ചതായി ചോദ്യം ചെയ്യലില്‍ പ്രതികള്‍ സമ്മതിച്ചു.ഒഴുകൂരിലെ ചോലക്കുന്നിലെ ഒരുവീട്ടുമുറ്റത്ത് സൂക്ഷിച്ച 40,000 രൂപയുടെ അടക്ക സംഘം മോഷ്ടിച്ചിരുന്നു.കുഴിഞ്ഞൊളത്ത് നിന്ന് ആറ് ചാക്കും, വളളുമ്പ്രം, മുണ്ടംപറമ്പ് നീറ്റിക്കല്‍ എന്നിവടങ്ങളില്‍ നിന്ന് 7 ചാക്ക് വീതം അടക്കയും സംഘം മോഷ്ടിച്ചിരുന്നു.അടക്ക മോഷണം പതിവാകുന്ന പരാതികള്‍ ലഭിച്ചതിനെ തുടര്‍ന്ന് പൊലിസ് നടത്തിയ രഹസ്യാന്വേഷണത്തിലാണ് പ്രതികളെ പിടികൂടിയത്.
അരിമ്പ്ര പാലത്തിങ്ങലില്‍ മുറി വാടകക്ക് എടുത്താണ് സംഘം മോഷ്ടിച്ച അടക്ക സൂക്ഷിച്ചിരുന്നത്. പിന്നീട് ഇവ കൊണ്ടോട്ടി ടൗണിലും എടവണ്ണപ്പാറയിലെ ഒരു കടയിലും വില്‍പ്പന നടത്തുകയും ചെയ്യും. മോഷണത്തിന് ഉപയോഗിച്ച വാടക കാറും, ഗുഡ്‌സ് ഓട്ടോറിക്ഷയും പൊലിസ് കസ്റ്റഡിയിലെടുത്തിട്ടുണ്ട്.
കൊണ്ടോട്ടി എസ്.ഐ സദാനന്ദന്‍, എ.എസ്.ഐ മാരായ ജലീല്‍, അഹമ്മദ് കുട്ടി എന്നിവരടങ്ങിയ സംഘമാണ് പ്രതികളെ പിടികൂടിയത്