ന്യൂഡല്‍ഹി: പ്രതിരോധ മേഖലയി 101 ഉല്‍പന്നങ്ങളുടെ ഇറക്കു മതി ഇന്ത്യ നിരോധിച്ചു. രാജ്യം പ്രതിരോധ രംഗത്ത് സ്വദേശി വല്‍ക്കരണത്തിലേക്ക് പോവുകയാണെന്നതിലേക്ക് വിരല്‍ ചൂണ്ടുന്നതാണ് നടപടി. ഉല്‍പാദനം ആഭ്യനന്തരമായി നിര്‍വ്വഹിക്കുമെന്ന് പ്രതിരോധ മന്ത്രി രാജ്‌നാഥ് സിങ് അറിയിച്ചു.

ആത്മനിര്‍ഭര്‍ ഭാരത് പദ്ധതി പ്രതിരോധമേഖലയില്‍ വ്യാപകമാക്കാനാണ് നീക്കം. 101 പ്രതിരോധ ഉപകരണങ്ങളുടെ പട്ടിക ഇതിനോടകം തയ്യാറാക്കിയിട്ടുണ്ടെന്നും ഭാവിയില്‍ പ്രതിരോധ മേഖലയില്‍ പൂര്‍ണ്ണമായും വിദേശ നിര്‍മ്മിത ഉപകരണങ്ങള്‍ ഇല്ലാതാക്കുമെന്നും രാജ്നാഥ് സിംഗ് പറഞ്ഞു.

പ്രതിരോധരംഗത്ത് മൂന്ന് സേനകള്‍ക്കും ആവശ്യമായ ആയുധങ്ങളും സായുധവാഹനങ്ങളും ഇന്ത്യയില്‍ തന്നെ നിര്‍മ്മിക്കും. 2020 നും 2024 നും ഇടയില്‍ വിദേശ ഇറക്കുമതി നിരോധിക്കും.

നടപ്പുസാമ്പത്തികവര്‍ഷം 52000 കോടി രൂപയുടെ ഉപകരണങ്ങള്‍ ഇന്ത്യയില്‍ നിര്‍മ്മിക്കാനാണ് തീരുമാനം.