കണ്ണൂര്‍: മാധവറാവു സിന്ധ്യ ചാരിറ്റബിള്‍ ട്രസ്റ്റിന്റെയും ദയ ചാരിറ്റബിള്‍ ട്രസ്റ്റിന്റെയും ആഭിമുഖ്യത്തിലുള്ള അഖിലേന്ത്യ വെറ്ററന്‍സ് ഫുട്‌ബോള്‍ ടൂര്‍ണമെന്റില്‍ ഗോവക്ക് കിരീടം. ഗോവ വെറ്ററന്‍സ് മറുപടിയില്ലാത്ത രണ്ട് ഗോളിന് അക്ബര്‍ ട്രാവല്‍സ് ജിംഖാനയെ പരാജയപ്പെടുത്തി.
 മുന്‍ മന്ത്രി കെ. സുധാകരന്‍, ബ്രഹ്മാനന്ദ്, കെ. പ്രമോദ് എന്നിവര്‍ കളിക്കാരെ പരിചയപ്പെട്ടു. സമാപന ചടങ്ങില്‍ മന്ത്രി കെ. സുധാകരന്‍ മാധവറാവു സിന്ധ്യ മെമ്മോറിയല്‍ ട്രോഫിയും റണ്ണേഴ്‌സിനുള്ള ദയാ ചാരിറ്റബിള്‍ ട്രസ്റ്റിന്റെ ട്രോഫി ഇന്റര്‍നാഷനല്‍ ഫുട്‌ബോള്‍ താരം ബ്രഹ്മാനന്ദും സമ്മാനിച്ചു. പഴയകാല കളിക്കാരായ ബാലചന്ദ്രന്‍, എം.പി അശോകന്‍, ദേവാനന്ദ് എന്നിവരെ ചടങ്ങില്‍ ആദരിച്ചു. കെ. സുരേന്ദ്രന്‍ മുഖ്യാതിഥിയായി. മികച്ച കളി റിപ്പോര്‍ട്ടര്‍മാര്‍ക്കുള്ള ഉപഹാരം എ. സുജിത്ത് കുമാര്‍, ദിനേശന്‍, അബ്ദുല്‍ മുനീര്‍, മികച്ച ഫോട്ടോഗ്രാഫര്‍ക്കുള്ള ഉപഹാരം എസ്.കെ മോഹനന്‍, മികച്ച ചാനല്‍ റിപ്പോര്‍ട്ട് ധനിത്ത് ലാല്‍, കാമറാമാന്‍ ധനേഷ് എന്നിവര്‍ക്ക് സ
മ്മാനിച്ചു.