മഞ്ചേരി:അന്തര്‍സംസ്ഥാന മോഷണകേസുകളില്‍ പ്രതികളായ നാലുപേര്‍ അറസ്റ്റില്‍. തേഞ്ഞിപ്പലം പാലക്കാട്ട് വീട്ടില്‍ സൈനുദ്ദീന്‍ എന്ന ഗള്‍ഫ് സൈനുദ്ധീന്‍(35), കൊളത്തൂര്‍ മധുരക്കാട്ടില്‍ നിതേഷ്(27), എ.ആര്‍ നഗര്‍ കൊളപ്പുറം പുതുക്കുടി ഇല്യാസ്, കൊണ്ടോട്ടി പെരുവള്ളൂര്‍ പൂങ്ങാട്ടില്‍ മുഹമ്മദ് ശഫീഖ്(20) എന്നിവരാണ് പിടിയിലായത്.
മലപ്പുറം ജില്ലയുടെ വിവിധ ഭാഗങ്ങളില്‍ വീട് കുത്തിത്തുറന്നുള്ള മോഷണം വര്‍ധിച്ചിരുന്നു. ഇതിന്റെ അന്വേഷണത്തിനിടയിലാണ് പ്രതികള്‍ പൂക്കോട്ടൂരില്‍ നിന്ന് പിടിയിലായത്.മോഷണം നടത്തിയ ശേഷം വിദേശത്തേക്കു കടക്കുന്നതാണ് സൈനുദ്ദീന്റെ പതിവ്. നേരത്തെ ഇങ്ങനെ രക്ഷപ്പെടുന്നതിനു മുന്‍പ് മുംബൈ എയര്‍പോര്‍ട്ടില്‍ നിന്ന് ഇയാള്‍ പിടിയിലാരുന്നു. ഈയിടെയാണ് അവസാനമായി നാട്ടിലെത്തിയത്. 18സ്റ്റേഷനുകളില്‍ പിടികിട്ടാപ്പുള്ളിയാണ് സൈനുദ്ദീന്‍. രണ്ടാംപ്രതി നിതേഷ് മാലമോഷണ കേസുകളില്‍ നിരവധിതവണ പിടിക്കപ്പെട്ടിട്ടുണ്ട്. മൂന്നാംപ്രതി ഇല്യാസ് കഞ്ചാവ്,മോഷണം തുടങ്ങിയകേസുകളിലും ഷഫീഖ് മോഷണകേസുകളിലും പ്രതിയാണ്.
ഇവരുടെ അറസ്റ്റോടെ മലപ്പുറം,കോട്ടയം,തൃശൂര്‍,കൊല്ലം,എന്നീ ജില്ലകളില്‍ ഈയിടെയുണ്ടായ നിരവധി മോഷണ കേസുകളുടെ കാര്യത്തില്‍ വഴിത്തിരിവായിട്ടുണ്ട്. പ്രതികളെ മഞ്ചേരി കോടതി റിമാന്‍ഡ് ചെയ്തു.