തിരുവനന്തപുരം: സംസ്ഥാനത്തെ 88 ലക്ഷത്തോളം വരുന്ന റേഷന്‍കാര്‍ഡ് ഉടമകള്‍ക്ക് പതിനൊന്ന് ഇനം പലവ്യഞ്ജനങ്ങള്‍ ഉള്‍പ്പെടുന്ന സൗജന്യ ഓണക്കിറ്റ് വിതരണം നാളെ മുതല്‍. 500 രൂപയോളം വിലയുള്ള ഉല്‍പന്നങ്ങളാണ് കിറ്റില്‍ ഉണ്ടാകുക. അന്ത്യോദയ വിഭാഗത്തില്‍പ്പെട്ട (മഞ്ഞ കാര്‍ഡുകള്‍) 5.95 ലക്ഷം കുടുംബങ്ങള്‍ക്കാണ് ആദ്യഘട്ടത്തില്‍ വിതരണം ചെയ്യുന്നത്. മഞ്ഞ കാര്‍ഡുകാര്‍ക്ക് 13, 14, 16 തിയതികളില്‍ വിതരണം ചെയ്യും. 31 ലക്ഷം വരുന്ന മുന്‍ഗണനാ കാര്‍ഡുകള്‍ക്ക് (പിങ്ക് കാര്‍ഡ്) 19, 20, 21, 22 തിയതികളിലായാണ് വിതരണം. ശേഷിച്ച 51 ലക്ഷത്തോളമുള്ള കുടുംബങ്ങള്‍ക്കുള്ള (നീല, വെള്ള കാര്‍ഡുകള്‍ക്ക്) കിറ്റുകളുടെ വിതരണവും ഓണത്തിന് മുന്‍പായി നടക്കും.