തിരുവനന്തപുരം: കോണ്‍ഗ്രസ് സംഘടനാ തെരഞ്ഞെടുപ്പ് തമ്മിലടിയാകരുതെന്ന ഓര്‍മിപ്പിച്ച് മുതിര്‍ന്ന നേതാവ് എ.കെ ആന്റണി. തെരഞ്ഞെടുപ്പ് ഏറ്റുമുട്ടലല്ലെന്നും പരമാവധി സമവായത്തിലൂടെ തെരഞ്ഞെടുപ്പ് നടത്താന്‍ ശ്രമിക്കണമെന്നും അദ്ദേഹം പറഞ്ഞു. പുന:സംഘടനയ്ക്ക് മുന്നോടിയായി നടന്ന അംഗത്വവിതരണത്തിന്റെ ഉദ്ഘാടനത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

തിരിച്ചടികള്‍ താത്കാലികം മാത്രമാണ്. പരാജയങ്ങളില്‍ നിന്നും വേഗം തിരിച്ചുവന്ന ചരിത്രമാണ് കോണ്‍ഗ്രസ് പാര്‍ട്ടിക്കുളളത്. ജനങ്ങളുമായി അടുപ്പമുളള നേതാക്കള്‍ കോണ്‍ഗ്രസില്‍ ഇല്ലാത്തതാണ് പ്രശ്‌നമെന്നും അദ്ദേഹം പറഞ്ഞു. പുതിയ പ്രവര്‍ത്തകരെ പരമാവധി പാര്‍ട്ടിയിലേക്ക് കൊണ്ട് വരണമെന്നും ആന്റണി ആവശ്യപ്പെട്ടു.