ഇസ്‌ലാമാബാദ്: പാകിസ്താന്‍ ബൗളര്‍ മുഹമ്മദ് അമീറിനേയും ആസിഫ് അലിയേയും ഒഴിവാക്കി പാകിസ്താന്‍ ലോകകപ്പ് ടീം പ്രഖ്യാപിച്ചു. ഏറെ കാലമായി ബൗളിങ്ങില്‍ മോശം ഫോമിലുണ്ടായിരുന്ന താരമാണ് മുഹമ്മദ് അമീര്‍. സര്‍ഫ്രാസ് അഹമ്മദ് ആണ് ടീമിനെ നയിക്കുന്നത്.
മുഹമ്മദ് ഫഹീസിനെ ടീമില്‍ ഉള്‍പ്പെടുത്തിയെങ്കിലും താരം ഫിറ്റ്‌നസ് തെളിയിച്ചാല്‍ മാത്രമേ അന്തിമ സ്‌ക്വാഡില്‍ ഇടം പിടിക്കുകയുള്ളു എന്ന ഉപാതിയുണ്ട്. ഈ വര്‍ഷം ആദ്യമേറ്റ പരുക്കാണ് താരത്തിന്റെ സാധ്യതകള്‍ക്ക് മങ്ങലേല്‍ക്കാന്‍ കാരണമായത്. പരുക്ക് കാരണം പാകിസ്താന്‍ സൂപ്പര്‍ ലീഗില്‍ താരത്തിനു കളിക്കാനായിരുന്നില്ല.
ടീം: സര്‍ഫ്രാസ് അഹമ്മദ്, ഫകര്‍ സമാന്‍, ഇമാംഉള്‍ ഹഖ്, ആബിദ് അലി, ബാബര്‍ അസം, ഷുഹൈബ് മാലിക്, മുഹമ്മദ് ഹഫീസ്, ഷദബ് ഖാന്‍, ഇമാദ് വാസിം, ഹസന്‍ അലി, ഫഹീം അഷ്‌റഫ്, ഷഹീന്‍ അഫ്രീദി, ജുനൈദ് ഖാന്‍, മുഹമ്മദ് ഹസ്‌നൈന്‍, ഹാരിസ് സുഹൈല്‍.