കൊല്ലം: ശബരിമലയില്‍ നിരോധനാജ്ഞ പ്രഖ്യാപിക്കാന്‍ പ്രധാനമന്ത്രി പറഞ്ഞുവെന്ന മുഖ്യമന്ത്രിയുടെ വാദം പച്ചക്കള്ളമാണെന്നും കേന്ദ്ര സര്‍ക്കാര്‍ അത്തരത്തിലുള്ള ഒരു നിര്‍ദ്ദേശങ്ങളും സംസ്ഥാനത്തിന് നല്‍കിയിട്ടില്ലെന്നും ബി.ജെ.പി ദേശീയ നിര്‍വ്വാഹക സമിതിയംഗം പി.കെ കൃഷ്ണദാസ്. കൊല്ലം പ്രസ് ക്ലബ്ബ് സംഘടിപ്പിച്ച ജനവിധി 2019 തെരഞ്ഞെടുപ്പ് സംവാദ പരമ്പരയില്‍ സംസാരിക്കുകയായിരുന്നു അദ്ദേഹം.
ബി.ജെ.പി സ്ഥാനാര്‍ഥി ദുര്‍ബലനാണെന്ന പ്രവര്‍ത്തകരുടെ ആരോപണത്തെ പുഛിച്ച് തള്ളുന്നു. നേരത്തെ പാര്‍ട്ടിയില്‍ ഭാരവാഹിത്വവും അംഗത്വവും ഉണ്ടായിരുന്നവരാണ് ആരോപണം ഉന്നയിച്ചിരിക്കുന്നത്. ഇത് പരിശോധിച്ച് നടപടിയെടുക്കും. കേരളത്തില്‍ കോ-മ സഖ്യത്തിന്റെ രഹസ്യ ധാരണകള്‍ മറനീങ്ങിയിരിക്കുകയാണെന്നും അദ്ദേഹം പറഞ്ഞു.