കൊച്ചി: സംസ്ഥാനത്ത് നാളെ മുതല്‍ പാചകവാതക വിതരണം മുടങ്ങും. എല്‍.പി.ജി ഡ്രൈവര്‍മാരുടെ സംയുക്ത യൂനിയന്‍ നാളെ മുതല്‍ അനിശ്ചിതകാല സമരം പ്രഖ്യാപിച്ചതിനെ തുടര്‍ന്നാണ് പാചകവാതക വിതരണം മുടങ്ങുന്നത്.
ശമ്പള വര്‍ധനവ് ആവശ്യപ്പെട്ടാണ് ഡ്രൈവര്‍മാരുടെ സമരം.

ഇതുമായി ബന്ധപ്പെട്ട് എല്‍.പി.ജി ഡ്രൈവര്‍മാര്‍ ലേബര്‍ കമ്മീഷണറുമായി ചര്‍ച്ച നടത്തിയിരുന്നു.
ഇന്നു നടത്തിയ ചര്‍ച്ചയും പരാജയപ്പെട്ട സാഹചര്യത്തിലാണ് നാളെ മുതല്‍ അനിശ്ചിതകാല സമരം പ്രഖ്യാപിച്ചത്. വേതന വര്‍ധനക്ക് ദീര്‍ഘകാല കരാറുണ്ടാക്കാനുള്ള ശ്രമവും ഇതുവരെ വിജയിച്ചില്ല. പാചക വാതകത്തിന്റെ വില കേന്ദ്രം ഇന്ന് വെട്ടിക്കുറച്ചിരുന്നു.