മലപ്പുറം: ജില്ലയിലെ അഞ്ച് പോളിങ് സ്‌റ്റേഷനുകള്‍ക്ക് മാറ്റം. വണ്ടൂര്‍ മണ്ഡലത്തിലെ മൂന്നും തവനൂര്‍ മണ്ഡലത്തിലെ രണ്ടും പോളിങ് സ്‌റ്റേഷനുകളാണ് മാറ്റിയത്. കെട്ടിടങ്ങളിലെ കാലപ്പഴക്കം ശ്രദ്ധയില്‍പ്പെട്ടതിനെത്തുടര്‍ന്നാണ് മാറ്റം. തെട്ടടുത്ത് തന്നെയുള്ള വിദ്യാഭ്യാസ സ്ഥാപനങ്ങളിലേക്കാണ് മാറ്റിയിട്ടുള്ളത്.
വണ്ടൂരിലെ പോരൂര്‍ അങ്കണവാടിയിലെ പോളിങ് സ്‌റ്റേഷന്‍ എയ്ഡഡ് ലോവര്‍ പ്രൈമറി സ്‌കൂള്‍ കെട്ടിടത്തിലേക്കും(വെസ്റ്റേണ്‍ സൈഡ്), അത്തിപ്പറ്റ ഗവ. എല്‍.പി സ്‌കൂളിലെ (സൗത്ത് ബില്‍ഡിങ്) പോളിങ് സ്‌റ്റേഷന്‍ അല്‍ മദ്‌റസത്തുല്‍ ബയാനിയ(വെസ്റ്റ് സൈഡ്)യിലേക്കും നീലാണ്ടന്‍പാറ ദാറുല്‍ ഇസ്‌ലാം മദ്‌റസയിലേത് എച്ച്..എ.എല്‍.പി സ്‌കൂള്‍(ഈസ്റ്റ് സൈഡ്) വലിയകുന്നിലേക്കുമാണ് മാറ്റിയത്. തവനൂര്‍ മണ്ഡലത്തിലെ എ.ജെ.ബി സ്‌കൂള്‍ ചേകന്നൂരിലെ (സൗത്ത് സൈഡ്) പോളിങ് സ്‌റ്റേഷന്‍ തന്‍വീറുല്‍ വിദാന്‍ മദ്‌റസ(വെസ്റ്റ് സൈഡ്) യിലേക്കും എ.ജെ.ബി സ്‌കൂളിലേത് ചേകന്നൂരിലെ തന്നെ നോര്‍ത്ത് സൈഡ് പോളിങ് സ്‌റ്റേഷന്‍ ഹയാത്തുല്‍ ഇസ്‌ലാം മദ്‌റസ കെട്ടിടത്തിലേക്കുമാണ് മാറ്റിയത്.