മുക്കം: മുക്കത്തെ സാംസ്‌കാരിക സംഘടനയായ മാനവം മെയ് 13, 14, 15 തിയതികളില്‍ മുക്കത്ത് സംഘടിപ്പിക്കുന്ന മനവോത്സവത്തിന് കൊടിയേറി. ചെണ്ടമേളങ്ങളുടെ അകമ്പടിയോടെ മുക്കം അങ്ങാടിയിലൂടെ നടത്തിയ റാലിക്ക് ശേഷം മാനവോത്സവ നഗരിയിലെ മരത്തില്‍ മാനവം ചെയര്‍മാന്‍ സലാം കാരമൂല കൊടിയേറ്റി. തുടര്‍ന്നു ചലചിത്ര നിര്‍മാതാവും തിരക്കഥാകൃത്തും നടനുമായ സലാം കാരശ്ശേരിയുടെ സ്മരണയ്ക്കായി മൂവീ ക്യാമറാ ശില്‍പം സ്ഥാപിച്ചു. കവിയും ം കമ്യൂണിസ്റ്റ് നേതാവുമായിരുന്ന ഉണ്യേപ്പേട്ടന്‍, പത്രപ്രവര്‍ത്തകന്‍ കെ. ജയചന്ദ്രന്‍ എന്നിവരുടെ സ്മരണക്കായും ശില്‍പങ്ങള്‍ സ്ഥാപിച്ചു. മാനവോത്സവം കണ്‍വീനര്‍ ജോസ് മുണ്ടത്താനം, ജോയന്റ് കണ്‍വീനര്‍ എ. സുബൈര്‍, കോര്‍ഡിനേറ്റര്‍ മലിക് നാലകത്ത് സംസാരിച്ചു.