HOME
DETAILS

പരിയാരത്ത് ചികിത്സാ ഫീസ് വര്‍ധനവ് നിലവില്‍ വന്നു

  
backup
May 02 2017 | 22:05 PM

%e0%b4%aa%e0%b4%b0%e0%b4%bf%e0%b4%af%e0%b4%be%e0%b4%b0%e0%b4%a4%e0%b5%8d%e0%b4%a4%e0%b5%8d-%e0%b4%9a%e0%b4%bf%e0%b4%95%e0%b4%bf%e0%b4%a4%e0%b5%8d%e0%b4%b8%e0%b4%be-%e0%b4%ab%e0%b5%80%e0%b4%b8%e0%b5%8d



തളിപ്പറമ്പ്: പരിയാരം മെഡിക്കല്‍ കോളജില്‍ ചികില്‍സാ ഫീസ് വര്‍ധനവ് നിലവില്‍ വന്നു. നേരത്തെ 30 ശതമാനം നിര്‍ദേശിക്കപ്പെട്ട വര്‍ധനവ് 40 ശതമാനമായി ഉയര്‍ന്നിട്ടുണ്ട്.
ശസ്ത്രക്രിയകള്‍ക്ക് 50 ശതമാനത്തോളം ചാര്‍ജ് വര്‍ധിച്ചു. ജനറല്‍ ഒ.പി കണ്‍സല്‍ട്ടിങ് ഫീസ് 50 ആയി നിലനിര്‍ത്തിയപ്പോള്‍ സൂപ്പര്‍ സ്‌പെഷാലിറ്റിയില്‍ 150 എന്നത് 200 രൂപയാക്കി ഉയര്‍ത്തിയിട്ടുണ്ട്.
ലാബ് പരിശോധനകള്‍ മിക്കതിലും 50 മുതല്‍ 100 രൂപ വരെ വര്‍ധിപ്പിച്ചിട്ടുണ്ട്. സഹകരണ ഹൃദയാലയയില്‍ ഹൃദയശസ്ത്രക്രിയകള്‍ക്ക് 20,000 രൂപയോളം വര്‍ധനവ് വരുത്തി. ജീവനക്കാര്‍ക്ക് 2016 നവംബര്‍ മുതല്‍ മുന്‍കാല പ്രാബല്യം നല്‍കി ശമ്പള വര്‍ധനവ് നടപ്പാക്കുന്നതിന്റെ അധിക ബാധ്യത മറികടക്കാനാണ് ഇപ്പോള്‍ ചികിത്സാ ഫീസ് വര്‍ധിപ്പിച്ചിരിക്കുന്നത്. നിലവില്‍ രണ്ടായിരത്തോളം ജീവനക്കാരുള്ള മെഡിക്കല്‍ കോളജില്‍ ശമ്പളം നല്‍കുന്നതിന് മാത്രം പ്രതിമാസം അഞ്ചേമുക്കാല്‍ കോടി രൂപയാണ് ആവശ്യമായി വരുന്നത്. ശമ്പള വര്‍ധനയോടെ ഇത് 6.25 കോടിയായി ഉയരും. സര്‍ക്കാര്‍ മെഡിക്കല്‍ കോളജുകളില്ലാത്ത ഉത്തരകേരളത്തിന്റെ ആരോഗ്യരംഗത്തെ ഏക പ്രതീക്ഷയായിരുന്ന പരിയാരം ഏറ്റെടുത്ത് സൗജന്യ ചികില്‍സ ലഭ്യമാക്കുമെന്ന് കരുതിയ സാധാരണക്കാര്‍ക്ക് ഇടിത്തീയായി മാറിയിരിക്കയാണ് ചികില്‍സ് ഫീസ് വര്‍ധനവ്. നിലവിലെ സാഹചര്യത്തില്‍ സര്‍ക്കാര്‍ ഏറ്റെടുക്കലോ ആര്‍.സി.സി മോഡല്‍ സ്വയംഭരണമോ ഉപേക്ഷിച്ച മട്ടാണ്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."