തളിപ്പറമ്പ്: സംസ്ഥാനത്തെ ഏറ്റവും വലിയ ഇന്ത്യന്‍ കോഫി ഹൗസ് സമുച്ചയം മുഖ്യമന്ത്രി പിണറായി വിജയന്‍ നാടിന് സമര്‍പ്പിച്ചു. എ.സി, നോണ്‍ എ.സി റൂമുകള്‍, റസ്റ്റോറന്റ്, ബാങ്ക്വറ്റ് ഹാള്‍, ഓഡിറ്റോറിയം എന്നിവയുള്‍പ്പെടുന്നതാണ് ധര്‍മ്മശാലയിലെ ഇന്ത്യന്‍ കോഫി ഹൗസ്. സഹകരണ മേഖലയിലെ തൊഴിലാളികള്‍ക്ക് മെച്ചപ്പെട്ട ജീവിത സാഹചര്യമാണെന്നു മുഖ്യമന്ത്രി കൂട്ടിച്ചേര്‍ത്തു. എ.കെ.ജി  പ്രതിമയുടെ അനാച്ഛാദനവും മുഖ്യമന്ത്രി നിര്‍വഹിച്ചു.
 ഇ.പി ജയരാജന്‍ എം.എല്‍.എ അധ്യക്ഷനായി. ടി.വി രാജേഷ് എം.എല്‍.എ, ജില്ലാ പഞ്ചായത്ത് പ്രസിഡന്റ് കെ.വി സുമേഷ്, ആന്തൂര്‍ നഗരസഭാ ചെയര്‍പേഴ്‌സണ്‍ പി.കെ ശ്യാമള, സി.പി.എം ജില്ലാ സെക്രട്ടറി പി. ജയരാജന്‍ പ്രസംഗിച്ചു.