പാലാ: സംസ്ഥാന ജൂനിയര്‍ സോഫ്റ്റ്‌ബോള്‍ ചാമ്പ്യന്‍ഷിപ്പ് വെള്ളിയാഴ്ച മുതല്‍ ഞായറാഴ്ച വരെ മരങ്ങാട്ടുപിള്ളി ലേബര്‍ ഇന്ത്യാ സ്‌കൂള്‍ മൈതാനിയില്‍ നടക്കുമെന്ന് ജില്ലാ സോഫ്്റ്റ്്്‌ബോള്‍ അസ്സോസിയേഷന്‍ ഭാരവാഹികള്‍ പത്രസമ്മേളനത്തില്‍ അറിയിച്ചു.
ദേശീയ ചാംപ്യന്‍ഷിപ്പിനുള്ള സംസ്ഥാന ടീമംഗങ്ങളെ ഈ മത്സരങ്ങളില്‍ നിന്ന് തെരഞ്ഞെടുക്കും. 22-ാമത് ചാംപ്യന്‍ഷിപ്പാണ് നടക്കുന്നത്.
ശനിയാഴ്ച രാവിലെ 11ന് ജോസ് കെ.മാണി എം.പി ഉദ്ഘാടനം നിര്‍വഹിക്കും. അസോസിയേഷന്‍ സംസ്ഥാന പ്രസിഡന്റ് സ്പര്‍ജന്‍ കുമാര്‍ അദ്ധ്യക്ഷത വഹിക്കും. ഞായറാഴ്ച നടക്കുന്ന സമാപനസമ്മേളനത്തില്‍ എ.എസ്.പി ചൈത്ര തെരേസ ജോണ്‍ സമ്മാനദാനം നിര്‍വഹിക്കും.
പത്രസമ്മേളനത്തില്‍ അസോസിയേഷന്‍ ഭാരവാഹികളായ ടെന്നിസണ്‍ പി.ജോസ്, ജോബറ്റ് തോമസ്, സിബി ജോസഫ് എന്നിവര്‍ പങ്കെടുത്തു.