വെള്ളാങ്ങല്ലുര്‍: സമസ്ത കേരള സുന്നി മഹല്ല് ഫെഡറേഷന്‍ സംസ്ഥാന ഗവേണിംഗ് ബോര്‍ഡിന് കീഴില്‍ വിദഗ്ദ പരിശീലനം നേടിയ ആര്‍.പിമാരുടെ നേതൃത്വത്തില്‍ മഹല്ലുകളില്‍ വ്യാപകമായി സംഘടിപ്പിച്ചു വരുന്ന പ്രീ മാരിറ്റല്‍ ട്രെയിനിംഗ് കോഴ്‌സ് വെള്ളാങ്കല്ലൂര്‍ മഹല്ല് ജമാഅത്ത് കമ്മിറ്റിയുടെ ആഭിമുഖ്യത്തില്‍ കരൂപ്പടന്ന മന്‍സിലുല്‍ ഹുദാ ഹയര്‍ സെക്കന്‍ഡറി മദ്രസയില്‍ ആരംഭിച്ചു. വെള്ളാങ്കല്ലൂര്‍ റൈഞ്ച് പരീക്ഷാ ബോര്‍ഡ് ചെയര്‍മാന്‍ ടി.മുഹമ്മദ് കുട്ടി മുസ്‌ലിയാര്‍ പ്രാര്‍ഥന നിര്‍വഹിച്ചു. വെള്ളാങ്കല്ലൂര്‍ മഹല്ല് ഖത്തീബ് കെ.പി സൈനുദ്ധീന്‍ ഫൈസി ഉദ്ഘാടനം ചെയ്തു. കോഴിക്കോട് ജില്ലാ ഹജ്ജ് ട്രെയ്‌നര്‍ ഷാനവാസ് ബാലുശ്ശേരി നേതൃത്വം നല്‍കി. മഹല്ല് സെക്രട്ടറി എം.എസ് മുഹമ്മദലി, വി.എസ് അബ്ദുന്നാസ്വിര്‍ ഫൈസി, എ.എ സൈനുദ്ധീന്‍ കുന്നത്തേരി, ഇഐ അന്‍സാര്‍ അസ്ഹരി, ടി.എം മുഹമ്മദ് ശരീഫ് സംബന്ധിച്ചു.