അത്തോളി: ജില്ലയിലെ 868 ബൂത്തുകളില്‍ വെബ്കാസ്റ്റിങ് ഏര്‍പ്പെടുത്തി. ഐ.ടി മിഷന്റെ നേതൃത്വത്തില്‍ അക്ഷയയുടെ സഹായത്തോടെയാണ് ബൂത്തുകളില്‍ നിന്നുള്ള ദൃശ്യങ്ങളടക്കമുള്ള വിവരം തെരഞ്ഞെടുപ്പ് കമ്മിഷന്റെ കണ്‍ട്രോള്‍ റൂമിലേക്കെത്തുക.  കൂടാതെ കലക്ടര്‍, ഐ.ടി മിഷന്‍ എന്നിവരുടെ കണ്‍ട്രോള്‍ റൂമിലും യഥാസമയം വിവരങ്ങളെത്തിക്കും. സ്‌കൂള്‍, കോളജ് വിദ്യാര്‍ഥികളാണ് ബൂത്തുകളില്‍ ലാപ്‌ടോപും വെബ് കാമറയും കൈകാര്യം ചെയ്യുക. ഇവര്‍ക്ക് ഇതിനായി നേരത്തെ തന്നെ പരിശീലനം നല്‍കിയിരുന്നു. വോട്ടര്‍ ബൂത്തിലേക്ക് പ്രവേശിക്കുന്ന സമയം മുതല്‍ അവരുടെ ദൃശ്യങ്ങള്‍ കാമറയില്‍ പതിയും. പൊലിസിന്റെയും ഇലക്ടറല്‍ ഓഫിസര്‍മാരുടെയും നിര്‍ദേശപ്രകാരമാണ് ഇത്രയും ബൂത്തുകളെ വെബ്കാസ്റ്റിങ്ങിനായി തെരഞ്ഞെടുത്തത്.