പാലക്കാട്: വോട്ടിങ്ങ് കേന്ദ്രത്തില്‍ വോട്ടിങ് യന്ത്രത്തിന് മറവുണ്ടാക്കാന്‍ ഇത്തവണ എത്തിയത് പ്ലാസ്റ്റിക്ക് ഷീറ്റുകള്‍.വളരെ സൗകര്യപ്രദവും കനക്കുറവും ഉള്ളതിനാല്‍ ഉദ്യോഗസ്ഥര്‍ക്ക് കൈകാര്യം ചെയ്യാന്‍ എളുപ്പവുമാണ് ഈ പ്ലാസ്റ്റിക് മറ.
എന്നാല്‍, കേരളത്തിലും മറ്റു ഹരിത പ്രോട്ടോകോള്‍ നടപ്പിലാക്കുന്ന സംസ്ഥാനങ്ങളും ഇത്തരത്തിലുള്ള സാധനസാമഗ്രികള്‍ ഉപയോഗിക്കുന്നത് പ്രഖ്യാപനത്തിന് എതിരാണ്.കവറുകളും സഞ്ചികളും കുപ്പികളും എല്ലാം പ്ലാസ്റ്റിക് ആകാതിരിക്കുവാന്‍ ശ്രദ്ധിച്ച സര്‍ക്കാര്‍ സംവിധാനം ഇന്ത്യയിലൊട്ടാകെ പ്ലാസ്റ്റിക്ക് മറ വിതരണം ചെയ്തത് ഹരിത പരിസ്ഥിതി പ്രവര്‍ത്തകര്‍ക്കിടയില്‍ എതിര്‍പ്പുണ്ടാക്കിയിട്ടുണ്ട്.