പുറത്തൂര്‍: ഭാരതപ്പുഴ നിറഞ്ഞ് കവിഞ്ഞൊഴുകിയതിന്റെ ഭാഗമായി നാടും വീടും വിട്ട് ദുരിതാശ്വാസ ക്യാംപുകളില്‍ കഴിഞ്ഞിരുന്ന കുടുംബാംഗങ്ങള്‍ക്ക് ആശ്വാസമായി എസ്.കെ.എസ്.എസ്.എഫ് വിഖായ പ്രവര്‍ത്തകര്‍.
തൃപ്രങ്ങോട് പഞ്ചായത്തിലെ നദീനഗര്‍ കോളനി, പുറത്തൂര്‍ പഞ്ചായത്തിലെ കളൂര്‍, പുറത്തൂര്‍ പ്രദേശങ്ങളില്‍ മലിനജലവും ചളിയും നിറഞ്ഞിരുന്ന പതിനഞ്ചോളം വീടുകള്‍ പെരുന്നാള്‍ ദിനങ്ങളില്‍ ശുചീകരിച്ചാണ് വിഖായ പ്രവര്‍ത്തകര്‍ മാതൃകയായത്.
മലപ്പുറം വെസ്റ്റ് ജില്ലാ വിഖായ കണ്‍വീനര്‍ ബഷീര്‍ തിരൂര്‍, ജില്ലാ നേതാക്കളായ കെ.സി നൗഫല്‍, എം.കെ.ആതവനാട്, ശിഹാബ് മന്നാനി, ആസിഫ് ഫൈസി മുള്ളന്‍മട, നാസര്‍ ചെറിയപറപ്പൂര്‍ എന്നിവര്‍ നേതൃത്വം നല്‍കി. പ്രളയ പ്രദേശങ്ങള്‍ സന്ദര്‍ശിക്കാനെത്തിയ തൃപ്രങ്ങോട് പഞ്ചായത്ത് പ്രസിഡന്റ് എം. കുമാരന്‍ പ്രവര്‍ത്തകരെ അഭിനന്ദിച്ചു.