കാസര്‍കോട്: മണ്ഡലത്തിലെ പല ബൂത്തുകളിലും സമ്മതിദാനം രേഖപ്പെടുത്തുന്നതില്‍ വന്ന കാലതാമസം ചൂണ്ടിക്കാട്ടി ബി.ജെ.പി ജില്ലാ പ്രസിഡന്റ് അഡ്വ. കെ. ശ്രീകാന്ത് ജില്ലാ വരണാധികാരിക്കും സംസ്ഥാന തെരഞ്ഞെടുപ്പ് ഉദ്യോഗസ്ഥനും പരാതി നല്‍കി.
പല ബൂത്തുകളിലും വോട്ടര്‍ പട്ടിക വായിക്കുന്നതിലും തുടര്‍ന്ന് സമ്മതിദാനം രേഖപ്പെടുത്തുന്നതിലും കാലതാമസം നേരിട്ടു. ഇത് പോളിങ് ശതമാനം കുറയ്ക്കാനുള്ള ആസൂത്രിത ശ്രമമാണെന്ന് സംശയിക്കുന്നു.
കമ്മ്യൂണിസ്റ്റ് പാര്‍ട്ടിയുടെ ശക്തികേന്ദ്രങ്ങളില്‍ വെബ് കാസ്റ്റിങ് സൗകര്യം ഏര്‍പ്പെടുത്തിയിട്ടുള്ള ബൂത്തുകളില്‍ പോലും വ്യാപകമായ രീതിയില്‍ കള്ളവോട്ട് നടന്നുവെന്നും ബി.ജെ.പി ജില്ലാ പ്രസിഡന്റ് കെ. ശ്രീകാന്ത് പറഞ്ഞു.