മനാമ: ആശൂറാഅ്ദിനത്തോടനുബന്ധിച്ച് ഓഗസ്റ്റ് 29, 30 തീയതികളില്‍ രാജ്യത്ത് പൊതു അവധിയായിരിക്കുമെന്ന് ബഹ്‌റൈന്‍ കിരീടാവകാശിയും ഡെപ്യൂട്ടി സുപ്രീം കമ്മാന്‍ഡറും ഒന്നാം ഉപപ്രധാനമന്ത്രിയുമായ ഹിസ് റോയല്‍ ഹൈനസ് പ്രിന്‍സ് സല്‍മാന്‍ ബിന്‍ ഹമദ് അല്‍ ഖലീഫ പുറത്തിറക്കിയ സര്‍ക്കുലറില്‍ അറിയിച്ചു.
ഓഗസ്റ്റ് 29 വാരാന്ത്യ അവധി ദിനമായതിനാല്‍ പകരം ഓഗസ്റ്റ് 31 കൂടി അവധിലഭിക്കുമെന്നും അറിയിപ്പിലുണ്ട്.
ഇതനുസരിച്ച് ഈ മൂന്നു ദിവസങ്ങളിലും രാജ്യത്തെ സര്‍ക്കാര്‍ ഓഫീസുകളും മന്ത്രാലയങ്ങളും മറ്റു സ്ഥാപനങ്ങളും അടഞ്ഞുകിടക്കും.
അതേസമയം മാസപ്പിറവി അനുസരിച്ച് ആശൂറാഅ്, താസൂആഅ് (മുഹറം 9,10)ദിനങ്ങള്‍ വെള്ളി, ശനി ദിവസങ്ങളിലാണ്. ഈ ദിവസങ്ങളില്‍ വിശ്വാസികള്‍ പ്രത്യേക ഐശ്ചിക വൃതാനുഷ്ഠാനങ്ങളില്‍ പങ്കാളികളാകും.