പേരാമ്പ്ര: കായണ്ണ മുളിയങ്ങല്‍ റോഡില്‍ മ0ത്തില്‍ മുക്കില്‍ വളര്‍ത്തുന്ന കോഴികളെ തെരുവ് നായകള്‍ കൂട്ടത്തോടെ കൊന്നനിലയില്‍ കാണപ്പെട്ടു. മഠത്തില്‍ ഇന്ദിരയുടെ വീട്ടില്‍ വളര്‍ത്തുന്ന നാല്‍പ്പതോളം കോഴികളെയാണ് കഴിഞ്ഞ ദിവസം കൊന്നത്. പകുതിയോളം കോഴികളെ തിന്ന നിലയിലും ബാക്കിയുള്ളത് ചത്ത നിലയിലുമാണ് കാണപ്പെട്ടത്.
വലിയ കൂട് തകര്‍ത്താണ് നായ്ക്കള്‍ കോഴികളെ കൊന്നു തിന്നത്. രാത്രിയിലുണ്ടായ മഴ കാരണം വീട്ടുകാര്‍ കോഴികളുടെ ബഹളം കേട്ടിരുന്നില്ല. അര ലക്ഷത്തോളം രൂപ മുടക്കിയാണ് വീട്ടുകാര്‍ മുട്ടക്കോഴികളെ വളര്‍ത്താന്‍ തുടങ്ങിയത്. മുളിയങ്ങല്‍ പ്രദേശത്ത് തെരുവ് നായ്ക്കളുടെ ശല്യം രൂക്ഷമാണ്.