ന്യൂഡല്‍ഹി: സുശാന്തിന്റെ കൊലയാളി റിയയാണെന്നും തന്റെ മകന് റിയ വിഷം നല്‍കിയെന്നും സുശാന്തിന്റെ പിതാവ് കെ.കെ സിങ്.

കഴിഞ്ഞ ദിവസം പുറത്തുവന്ന ചാറ്റുകളുടെ അടിസ്ഥാനത്തില്‍ നര്‍കോടിക് കണ്‍ട്രോള്‍ ബ്യൂറോ റിയയ്‌ക്കെതിരെ കേസെടുത്തിരുന്നു. ഇതിനു പിന്നാലെയാണ് സുശാന്തിന്റെ പിതാവ് ആരോപണവുമായി രംഗത്തെത്തിയത്.

'റിയ ചക്രവര്‍ത്തി വളരെക്കാലമായി എന്റെ മകന്‍ സുശാന്തിന് വിഷം കൊടുക്കുകയായിരുന്നു, അവള്‍ അവന്റെ കൊലപാതകിയാണ്. അവളെയും കൂട്ടാളികളെയും കാലതാമസമില്ലാതെ അറസ്റ്റ് ചെയ്ത് ശിക്ഷിക്കണം', സുശാന്തിന്റെ പിതാവ് എ.എന്‍.ഐയ്ക്ക് നല്‍കിയ അഭിമുഖത്തില്‍ പറയുന്നു.

കള്ളപ്പണം വെളുപ്പിക്കല്‍ കേസിന്റെ അന്വേഷണത്തിന്റെ ഭാഗമായി എന്‍ഫോഴ്‌സ്‌മെന്റ് ഡയറക്ടറേറ്റ് ശേഖരിച്ച റിയയുടെ വാട്‌സ്ആപ്പ് ചാറ്റില്‍നിന്നാണ് ലഹരിമരുന്ന് ഉപയോഗത്തിന്റെ വിവരങ്ങള്‍ പുറത്തുവന്നത്.