തൃശൂര്‍: പള്ളിക്കുളത്ത് കോര്‍പറേഷന്‍ ട്രഞ്ചിങ് ഗ്രൗണ്ടിലെ മാലിന്യങ്ങള്‍ക്ക് തീപിടിച്ച സംഭവത്തില്‍ ഹെല്‍ത്ത് സൂപ്പര്‍വൈസറോട് മേയര്‍ റിപ്പോര്‍ട്ട് തേടി.
തിങ്കളാഴ്ച രാത്രിയാണ് തീപിടിത്തമുണ്ടായത്. 10 മണിക്കൂര്‍ കൊണ്ട് 52 ടാങ്ക് വെള്ളം ഉപയോഗിച്ചാണ് ഫയര്‍ഫോഴ്‌സ് തീ നിയന്ത്രണവിധേയമാക്കിയത്.
തീപിടിത്തത്തില്‍ ദുരൂഹതയെന്ന ആരോപണത്തെ തുടര്‍ന്ന് അന്വേഷണം ആവശ്യപ്പെട്ട് പൊലിസില്‍ പരാതി നല്‍കുമെന്ന് മേയര്‍ അറിയിച്ചു.
ഫയര്‍ഫോഴ്‌സിന്റെ ക്രിയാത്മകമായ ഇടപെടല്‍ മൂലമാണ് സമീപത്തെ കെട്ടിടങ്ങളിലടക്കം തീ പടരാതിരുന്നത്. മണിക്കൂറുകളോളം പുക ശ്വസിച്ച് അവശരായ സേനാംഗങ്ങള്‍ ചികിത്സ തേടിയിരുന്നു.