കൊച്ചി: പ്രളയത്തില്‍ നടുവൊടിഞ്ഞ സംസ്ഥാനത്തിന് ഇരട്ടി പ്രഹരമായി ഇന്ധനവിലയില്‍ വര്‍ധനവ്. ഒരു ലിറ്റര്‍ ഡീസലിന് 15 പൈസയും ഒരു ലിറ്റര്‍ പെട്രോളിന് 13 പൈസയും കൂടി. ജൂലൈ , ഓഗസ്റ്റ് എന്നീ രണ്ടു മാസം കൊണ്ട് ഒരു ലിറ്റര്‍ ഡീസലിന് രണ്ടു രൂപ 26പെസയും, പെട്രോളിന് രണ്ടു രൂപ 51 പൈസയും കൂടിയിട്ടുണ്ട്.

തിരുവനന്തപുരത്ത് ഇന്നത്തെ പെട്രോള്‍ വില 81രൂപ 17 പൈസയാണ്. ഡീസല്‍ വില 74.43 പൈസ. കൊച്ചിയില്‍ പെട്രോള്‍ വില 79 രൂപ 83 പൈസയും ഡീസല്‍ വില 73 രൂപ 18 പൈസയുമാണ്. കോഴിക്കോട് പെട്രോള്‍ വില 80 രൂപ 9 പൈസ ഡീസല്‍ വില 73 രൂപ 44 പൈസയുമായി വര്‍ധിച്ചു.

രാജ്യത്തൊട്ടാകെയാണ് വില വര്‍ധനവ് നടപ്പാക്കുന്നതെങ്കിലും പ്രത്യേക സാഹചര്യത്തില്‍ സംസ്ഥാനത്തിന് ഇളവ് നല്‍കാന്‍ കേന്ദ്രസര്‍ക്കാര്‍ ഇടപെടണമെന്നാണ് കേരളത്തിന്റെ ആവശ്യം.