കൊണ്ടോട്ടി: പെരുന്നാളും ഓണവും കഴിഞ്ഞ് ഗള്‍ഫിലേക്ക് മടങ്ങുന്ന യാത്രക്കാര്‍ വര്‍ധിച്ചതോടെ വിമാനങ്ങളില്‍ തിരക്കേറി. കുറഞ്ഞ അവധിയില്‍ നാട്ടിലെത്തി മടങ്ങുന്നവരാണ് ഇതില്‍ അധികവും.
തിരക്കിനെ തുടര്‍ന്ന് ടിക്കറ്റ് ലഭിക്കാതെ നിരവധി പേരാണ് മടങ്ങുന്നത്. കരിപ്പൂരില്‍ നിന്ന് സര്‍വിസിനുള്ളതും കൊച്ചിയില്‍ നിന്നുള്ള ചില വിമാനങ്ങളും എത്തുന്നത് കാരണം ടെര്‍മിനല്‍ നിറയുകയാണ്. സമയത്തിന് വിമാന കമ്പനിയുടെ കൗണ്ടറില്‍ എത്താനായില്ലെങ്കില്‍ യാത്ര മുടങ്ങാനുള്ള സാധ്യതയുണ്ട്. ഇതിനാല്‍ യാത്രക്കാര്‍ നേരത്തെ വിമാനത്താവളത്തില്‍ എത്താനാണ് നിര്‍ദേശം.
വിമാന കമ്പനികള്‍ ടിക്കറ്റ് നിരക്ക് ഉയര്‍ത്തി യാത്രക്കാരെ ചൂഷണം ചെയ്യുന്നതായും പരാതികളുണ്ട്.