മലപ്പുറം: നിര്‍മാണ മേഖലയില്‍ സ്വകാര്യ കുത്തക സിമന്റ് കമ്പനികള്‍ കൃത്രിമ ക്ഷാമം സൃഷ്ടിച്ചും അന്യായമായി വില വര്‍ധിപ്പിച്ചും സാധാരണക്കാരനെ ചൂഷണം ചെയ്യുകയാണെന്ന് ലൈസന്‍സ്ഡ് എന്‍ജിനീയേഴ്‌സ് ആന്റ് സൂപ്പര്‍വൈസേഴ്‌സ് ഫെഡറേഷന്‍(ലെന്‍സ്‌ഫെഡ്) ഭാരവാഹികള്‍ പത്രസമ്മേളനത്തില്‍ ആരോപിച്ചു. മറ്റു സംസ്ഥാനങ്ങളെ അപേക്ഷിച്ച് 50 മുതല്‍ 75 രൂപ അധികമായിട്ടാണു സിമന്റ് ലഭിക്കുന്നത്. സാധാരണക്കാരനെ സഹായിക്കാന്‍ തമിഴ്‌നാട് സര്‍ക്കാര്‍ നടപ്പിലാക്കിയ പോലെ 200 രൂപയ്ക്കു താഴെ ഒരു ചാക്ക് സിമന്റ് എന്ന രീതിയില്‍ ഗവണ്‍മെന്റ് വിതരണം ചെയ്യുന്ന ജനകീയ പരിപാടികള്‍ സര്‍ക്കാര്‍ പ്രഖ്യാപിക്കണമെന്ന് ഭാരവാഹികള്‍ ആവശ്യപ്പെട്ടു. കെ.അഷ്‌റഫ്(ജില്ലാ പ്രസിഡന്റ്), കെ.ബി സജി(ജില്ലാ സെക്രട്ടറി), വി.കെ.എ റസാഖ്(ജില്ലാ ട്രഷറര്‍), കെ.നൗഷാദലി വാര്‍ത്താസമ്മേളനത്തില്‍ പങ്കെടുത്തു.