പാലക്കാട്: റമദാനിലൂടെ റയ്യാനിലേക്ക് എന്ന സന്ദേശത്തില്‍ ഇതില്‍ ഏപ്രില്‍ 25 മുതല്‍ ജൂണ്‍ അഞ്ചുവരെ എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ റമദാന്‍ കാംപയിന്‍ ഉദ്ഘാടനം മണ്ണാര്‍ക്കാട് ഇസ്്‌ലാമിക് സെന്ററില്‍ മെയ് മൂന്നാം തീയതി വെള്ളിയാഴ്ച നാലുമണിക്ക് മണിക്ക് നടക്കും. കാമ്പയിന്‍ കാലയളവില്‍ നടക്കുന്ന ഇന്ന് പദ്ധതികളുടെയും പ്രചാരണ പ്രവര്‍ത്തനങ്ങളുടെയും ജില്ലാ സബ്വിങ് പ്രവര്‍ത്തന മാര്‍ഗരേഖയും റമദാന്‍ ക്യാമ്പയിന്‍ സര്‍ക്കുലറും പുറത്തിറക്കും. ഇതിനോടൊപ്പം കുവൈറ്റ് കേരള ഇസ്്‌ലാമിക് സെന്ററിന്റെ സഹായത്തോടെ ജില്ലയില്‍ റമദാനില്‍ നടന്നുവരാറുള്ള റമദാന്‍ റിലീഫ് കിറ്റ് വിതരണ ഉദ്ഘാടനവും നടക്കും. ജില്ലാ പ്രസിഡന്റ് അന്‍വര്‍ സ്വാദിഖ് ഫൈസിയുടെ അധ്യക്ഷതയില്‍ ചേര്‍ന്ന യോഗത്തില്‍ എസ്.കെ.എസ.എസ്.എഫ് സംസ്ഥാന കൗണ്‍സിലര്‍ സുബൈര്‍ മൗലവി ഉദ്ഘാടനം ചെയ്തു. സംസ്ഥാന കൗണ്‍സിലര്‍മാരായ ഹിബത്തുള്ള മാരായമംഗലം, പ്രൊഫസര്‍ മുസ്താഖ്, ആരിഫ് ഫൈസി പ്രസംഗിച്ചു. ശാഫി ഫൈസി കോല്‍പ്പാടം, നിസാബുദ്ദീന്‍ ഫൈസി, കെ.പി സൈനുദ്ദീന്‍ മാസ്റ്റര്‍, അബ്ദുസ്സലാം ഫൈസി, ഇല്യാസ് ഫൈസി, സയ്യിദ് ഹുസൈന്‍ തങ്ങള്‍, കുഞ്ഞു മുഹമ്മദ് ഫൈസി, ഹാഷിം തങ്ങള്‍ ഹുദവി, സലാം അശ്‌റഫി, സജീര്‍ പുഴങ്കര ചര്‍ച്ചക്ക് നേതൃത്വം നല്‍കി. ജില്ലാ ജനറല്‍ സെക്രട്ടറി അലിഅഷ്‌ക്കര്‍ കരിമ്പ സ്വാഗതവും ട്രഷറര്‍ ഉമറുല്‍ ഫാറൂഖ് തങ്ങള്‍ നന്ദിയും പറഞ്ഞു.