ചേലേമ്പ്ര: പനയപ്പുറം മഹല്ല് ഖാസിയായി തെരഞ്ഞെടുക്കപ്പെട്ട സയ്യിദ് മുഹമ്മദ് കോയ തങ്ങള്‍ ജമലുല്ലൈലിക്ക് മഹല്ല് എസ്.വൈ.എസ് കമ്മിറ്റി സ്വീകരണം നല്‍കി.
സമൂഹത്തിനിടയില്‍ സമാധാന അന്തരീക്ഷം സൃഷ്ടിക്കലാണ് വിശ്വാസിയുടെ കടമയെന്ന് സയ്യിദ് മുഹമ്മദ് കോയ തങ്ങള്‍ ജമലുല്ലൈലി പറഞ്ഞു. സ്വീകരണ യോഗത്തില്‍ സംസാരിക്കുകയായിരുന്നു അദ്ദേഹം. പരിശുദ്ധ ഖുര്‍ആനും സമാധാനമാണ് പഠിപ്പിക്കുന്നത്. നമ്മുടെ കഴിവുകള്‍ നന്മക്ക് വേണ്ടി പ്രയോജനപ്പെടുത്തണമെന്നും തങ്ങള്‍ പറഞ്ഞു.
ഇസ്ഹാഖ് ബാഖവി ഉദ്ഘാടനം ചെയ്തു. സി ഹസ്സന്‍ അധ്യക്ഷനായി. ഖാസിയെ സി അബ്ദുല്‍ ഹമീദ് ഷാള്‍ അണിയിച്ചു. സി.ടി മുഹമ്മദാലി ഫൈസി, ഇ.കെ കോയക്കുട്ടി എന്ന ബിച്ചു മാസ്റ്റര്‍, സി ഹസ്സന്‍ ഹാജി, അസീസ് ദാരിമി സംസാരിച്ചു.