ന്യൂ ഡല്‍ഹി: 2020 ലെ ടോക്കിയോ ഒളിംപിക്‌സിലേക്ക് യോഗ്യത നേടി ഇന്ത്യയുടെ 16 വയസുകാരന്‍ താരം ദിവ്യാന്‍ഷ് സിംഗ് പന്‍വാര്‍. ബീജിംഗില്‍ നടന്ന ഐ.എസ്.എസ്.എഫ് ഷൂട്ടിങ് ലോകകപ്പിലെ വെള്ളി മെഡല്‍ നേട്ടമാണ് താരത്തിനു 10 മീറ്റര്‍ എയര്‍ റൈഫിളില്‍ ടോക്കിയോ ഒളിംപിക്‌സിനു യോഗ്യത നേടിക്കൊടുത്തത്.
ഇതോടെ ഇന്ത്യയുടെ നാലാമത്തെ ഷൂട്ടിങ് താരത്തിനാണ് ടോക്കിയോ ഒളിംപിക്‌സിലേക്ക് യോഗ്യത ലഭിക്കുന്നത്.
കഴിഞ്ഞ ദിവസം മിക്‌സഡ് ടീം വിഭാഗത്തില്‍ ദിവ്യാന്‍ഷ് സ്വര്‍ണം സ്വന്തമാക്കിയിരുന്നു. ഫൈനലിലേക്ക് 629.2 പോയിന്റുമായി മൂന്നാമനായി യോഗ്യത നേടിയ ദിവ്യാന്‍ഷ് 249 പോയിന്റുമായാണ് വെള്ളി മെഡല്‍ നേടിയത്.
ചൈനയുടെ സീചെംങ് ഹുയി ആണ് സ്വര്‍ണം നേടിയത്.
എട്ടാമനായാണ് ചൈനീസ് താരം ഫൈനലിലേക്ക് യോഗ്യത നേടിയതെങ്കിലും ഫൈനലില്‍ ചൈനീസ് താരമാണ് സ്വര്‍ണം വെടിവച്ചിട്ടത്.