കല്‍പ്പറ്റ: കനത്ത മഴയില്‍ വന്‍ദുരന്തം ഏറ്റുവാങ്ങിയ വയനാട്ടില്‍ രാഹുല്‍ ഗാന്ധി ഇന്നെത്തും.
രാവിലെ 10.45ന് പള്ളിക്കുന്ന് ലൂര്‍ദ്മാതാ ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ ഇറങ്ങുന്ന രാഹുല്‍ഗാന്ധി തുടര്‍ന്ന് ഏറെ നാശനഷ്ടങ്ങള്‍ സംഭവിച്ച കോട്ടത്തറ ടൗണ്‍ സന്ദര്‍ശിക്കും. തുടര്‍ന്ന് വെണ്ണിയോട് കൊളവയല്‍ പട്ടികവര്‍ഗ കോളനി നിവാസികളുമായി ആശയവിനിമയം നടത്തും. ജില്ലയില്‍ ഏറ്റവുമധികം മഴക്കെടുതി നേരിട്ട പ്രദേശമാണ് രാഹുല്‍ഗാന്ധി സന്ദര്‍ശനം നടത്തുന്ന കോട്ടത്തറ.
വലിയകുന്ന്, കുളക്കിമട്ടംകുന്ന്, ചേലാകുനിക്കുന്ന്, മാങ്കോട്ട്കുന്ന്, പുതിയേടത്ത്കുന്ന്, കല്ലട്ടി, പുതുശ്ശേരിക്കുന്ന്, കുറുമണി, പൊയില്‍, കള്ളംപടി, ഈരംകൊല്ലി, പാലപ്പൊയില്‍, കരിഞ്ഞകുന്ന്, പടവെട്ടി, ചെമ്പന്നൂര്‍ എന്നീ ജനവാസകേന്ദ്രങ്ങളെല്ലാം കനത്തമഴയില്‍ ഒറ്റപ്പെട്ടിരുന്നു.