പള്ളിപ്പാട് , ചെറുതന , ഹരിപ്പാട് , കുമാരപുരം , തൃക്കുന്നപ്പുഴ, കരുവാറ്റ,വീയപുരം, എന്നീ പഞ്ചായത്തുകളിലാണ് അപ്പര്‍കുട്ടനാട്ടില്‍ ശുചീകരണം നടക്കുന്നത്. ജില്ലയ്ക്കു പുറത്തു നിന്ന് ശുചീകരണത്തിനായി എത്തിയിരിക്കുന്ന സന്നദ്ധ പ്രവര്‍ത്തകരുടെ താമസം അതത് പഞ്ചായത്തുകളിലാണ് ഒരുക്കിയിരിക്കുന്നത്. ഈ പ്രദേശങ്ങളിലെ സ്‌കൂളുകള്‍, പൊതുസ്ഥലങ്ങള്‍, ജന സേവന കേന്ദ്രങ്ങള്‍, ആരോഗ്യ കേന്ദ്രങ്ങള്‍ തുടങ്ങിയ സ്ഥലങ്ങളാണ് ആദ്യ ഘട്ടത്തില്‍ ശുചിയാക്കുന്നത്.
ഇവര്‍ക്കുള്ള ഭക്ഷ്യവസ്തുക്കള്‍ കാര്‍ത്തികപ്പള്ളി താലൂക് അധികൃതരില്‍ നിന്നും അതാത് വില്ലജ് ഓഫീസര്‍മാര്‍ക്ക് കൈമാറി. 29ന് കാര്‍ത്തികപ്പള്ളി താലൂക്കിന് കീഴിലുള്ള പ്രദേശങ്ങളിലെ ശുചീകരണം പൂര്‍ത്തിയാക്കാനാണ് ലക്ഷ്യമിടുന്നതെന്ന് കാര്‍ത്തികപ്പള്ളി താലൂക്ക് ഡപ്യൂട്ടി തഹസില്‍ദാര്‍ ശരത് കുമാര്‍ പറഞ്ഞു.