പാരിസ്: നെയ്മര്‍ ഉള്‍പ്പെടെ മൂന്ന് പി.എസ്.ജി താരങ്ങള്‍ക്ക് കൊവിഡ് റിപ്പോര്‍ട്ട് ചെയ്തു. സ്പാനിഷ് ദീപായ ഇബിസയില്‍ അവധി ആഘോഷിക്കുന്നതിനിടെയായിരുന്നു നെയ്മര്‍ക്കും സഹതാരങ്ങള്‍ക്കും കൊവിഡ് സ്ഥിരീകരിച്ചത്. അര്‍ജന്റീനന്‍ താരം എയ്ഞ്ചല്‍ ഡി മരിയ, ലയനാര്‍ഡോ പരഡസ് എന്നിവര്‍ക്കും കൊവിഡ് സ്ഥിരീകരിച്ചിട്ടുണ്ട്. മൂന്ന് താരങ്ങളും ഒരുമിച്ചിയാരുന്നു സ്പാനിഷ് ദീപില്‍ അവധി ആഘോഷിച്ചിരുന്നത്. ചാംപ്യന്‍സ് ലീഗിലെ തോല്‍വിക്ക് ശേഷം എല്ലാ താരങ്ങളും അവധി ആഘോഷിക്കുന്നതിന് വേണ്ടി പോയതിനാല്‍ ടീമിലെ മറ്റു താരങ്ങളുമായി സമ്പര്‍ക്കം പുലര്‍ത്തിയിട്ടില്ല. മൂന്ന് പേരും ക്വാറന്റൈനില്‍ കഴിയുകായണിപ്പോള്‍.