പുത്തനത്താണി: കോഓര്‍ഡിനേഷന്‍ ഓഫ് ഇസ്‌ലാമിക് കോളജസിന്റെ (സി.ഐ.സി) കീഴില്‍ ആരംഭിക്കുന്ന ആറാമത് വഫിയ്യ കോളജ് കാടാമ്പുഴ ഗ്രെയ്‌സ് വാലി കാംപസില്‍ നാളെ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.

സ്ത്രീ വിദ്യാഭ്യാസം പൂര്‍ണമായും ദീനീ ചുറ്റുപാടില്‍ ചിട്ടപ്പെടുത്തി പണ്ഡിത വനിതകളെ ഒരുക്കുന്ന കരിക്കുലമാണ് ഗ്രെയ്‌സ് വാലി ഇസ്‌ലാമിക്  ആന്‍ഡ് ആര്‍ട്‌സ് കോളജ് ഫോര്‍ ഗേള്‍സില്‍ (വഫിയ്യ കോളജ്) ഉണ്ടാകുക.

എസ്.എസ്.എല്‍.സി പാസായ വിദ്യാര്‍ഥിനികള്‍ക്ക് അഞ്ചുവര്‍ഷംകൊണ്ട് മതവിഷയങ്ങളില്‍ അവഗാഹവും യൂനിവേഴ്‌സിറ്റി ഡിഗ്രിയും സമന്വയിച്ചു നല്‍കുന്നതാണു വഫിയ്യ കോഴ്‌സ്.

രാവിലെ പത്തിനു നടക്കുന്ന ഉദ്ഘാടന സമ്മേളനത്തില്‍ അത്തിപ്പറ്റ മൊയ്തീന്‍കുട്ടി മുസ്‌ലിയാര്‍ അധ്യക്ഷനാകും. സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, എം.എല്‍.എമാരായ പ്രൊഫ. കെ.കെ ആബിദ് ഹുസൈന്‍ തങ്ങള്‍, സി. മമ്മൂട്ടി എന്നിവരും ഡോ. ബഹാഉദ്ദീന്‍ മുഹമ്മദ് നദ്‌വി, അബ്ദുല്‍ ഹകീം ഫൈസി ആദൃശ്ശേരി, ആദൃശ്ശേരി ഹംസക്കുട്ടി മുസ്‌ലിയാര്‍, സെയ്ത് മുഹമ്മദ് നിസാമി, നാലകത്ത് സൂപ്പി തുടങ്ങിയവര്‍ സംബന്ധിക്കും.