തിരുവനന്തപുരം: വെഞ്ഞാറമൂട് ഇരട്ടക്കൊലക്കേസിലെ രണ്ടാംപ്രതിയും പിടിയില്‍. ഇതോടെ കേസില്‍ തിരിച്ചറിഞ്ഞ എല്ലാ പ്രതികളും പിടിയിലായി.
കേസിലെ രണ്ടാം പ്രതിയായ അന്‍സര്‍ ആണ് ഒളിവില്‍ കഴിഞ്ഞ ബന്ധുവീട്ടില്‍ നിന്ന് പിടിയിലായത്.
ഒളിവില്‍പോയി അഞ്ചാം ദിവസമാണ് ഇയാള്‍ പിടിയിലായത്. ഇതോടെ പിടിയിലായവരുടെ എണ്ണം ഒന്‍പതായി.
ഇന്നലെ ഐ.എന്‍.ടി.യു.സി പ്രവര്‍ത്തകന്‍ ഉണ്ണി പിടിയിലായിരുന്നു. കൊലപാതകത്തില്‍ നേരിട്ട് പങ്കുള്ളയാളാണ് ഉണ്ണി. വെഞ്ഞാറമൂടിനടുത്ത് മദപുരത്തുള്ള ഒളിസങ്കേതത്തില്‍ നിന്നാണ് ഇയാളെ പിടികൂടിയത്.