കരുനാഗപ്പള്ളി: യൂത്ത് കോണ്‍ഗ്രസ് പ്രവര്‍ത്തകനായിരുന്ന പ്രജിലിന്റെ കൊലപാതകത്തിനു പിന്നില്‍  തീരദേശ പ്രദേശത്തെ സമാധാന അന്തരീക്ഷം തകര്‍ക്കാനുള്ള ആര്‍.എസ്.എസ് സംഘപരിവാര്‍ ശക്തികളുടെ ഗൂഢശ്രമമാണന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. അഴിക്കലില്‍ കൊല്ലപ്പെട്ട  പ്രജിലിന്റെ വീട് സന്ദര്‍ശിച്ചശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
തീരദേശത്ത് ആര്‍.എസ്.എസ് നടത്തുന്ന ആയുധപരിശീലമുള്‍പടെയുള്ളവയെ കുറിച്ച് പ്രത്യേകം അന്വഷിക്കണമെന്നു അദ്ദേഹം ആവശ്യപ്പെട്ടു. നേതാക്കളായ സി.ആര്‍ മഹേഷ്, കെ.ജി രവി, ലീലാകൃഷ്ണന്‍, നീലികുളം സദാനന്ദന്‍, അഡ്വ.സജിന്‍ ബാബു, വിമല്‍ ഡാനി,അഡ്വ: ജീവന്‍, വരുണ്‍ ആലപ്പാട് എന്നിവരും അദ്ദേഹത്തോടൊപ്പം ഉണ്ടായിരുന്നു.