ആറ്റിങ്ങല്‍: അയിലത്ത് പേപ്പട്ടിയാക്രമണത്തില്‍ മൂന്നു പേര്‍ക്കു കടിയേറ്റു.
രണ്ടു സ്‌കൂള്‍ കുട്ടികള്‍ക്കും ഒരു അന്യദേശ തൊഴിലാളികള്‍ക്കുമാണ് കടിയേറ്റത്.  ഇവരെ ജനറല്‍ ആശുപത്രിയില്‍ പ്രവേശിപ്പിച്ചു.ഇന്നലെ രാവിലെ ഒമ്പത് മണിയോടെ അയിലം ഗവ.ഹൈസ്‌കൂളിനു മുന്നിലായിരുന്നു സംഭവം. സ്‌കൂളിലെ പത്താം ക്ലാസ് വിദ്യാര്‍ഥ അരവിന്ദ് , മൂന്നാം ക്ലാസ് വിദ്യാര്‍ഥിനി അനശ്വര എന്നിവര്‍ക്കും അയിലം പാലം പണിയ്ക്ക് വന്ന ബംഗാള്‍ സ്വദേശിക്കുമാണ് കടിയേറ്റത്. നാട്ടുകാര്‍ ഓടിയെത്തിയപ്പോഴേക്കും പട്ടി രക്ഷപ്പെട്ടു.
കഴിഞ്ഞ മാസവും ഇവിടെ പേപ്പട്ടി ശല്ല്യം ഉണ്ടായിരുന്നുവെന്ന് പ്രദേശവാസികള്‍ പറയുന്നു. പരാതി നല്‍കിയിട്ടും അധികൃതര്‍ ഗൗരവമായെടുത്തില്ലെന്നും ആരോപണമുണ്ട്.