കൊല്ലം: പട്ടികജാതി വിഭാഗക്കാര്‍ക്കായി തിരുവനന്തപുരം സൈബര്‍ശ്രീയില്‍ നടത്തുന്ന വിവിധ പരിശീലനങ്ങളില്‍ പങ്കെടുക്കാന്‍ താല്‍പര്യമുള്ളവര്‍ സെപ്റ്റംബര്‍ അഞ്ചിന് നേരിട്ട് ഹാജരാകണം. പ്രായ പരിധി 20നും 26നും ഇടയില്‍. കോഴ്‌സുകളുടെ വിശദാംശങ്ങള്‍ ചുവടെ
സോഫ്റ്റ്‌വെയര്‍ ഡവലപ്‌മെന്റ്: യോഗ്യത കംപ്യൂട്ടര്‍ സയന്‍സ്, ഐ.ടി, ഇലക്‌ട്രോണിക്‌സ് ആന്‍ഡ് കമ്മ്യൂനിക്കേഷന്‍, ഇലക്ട്രിക്കല്‍ ആന്‍ഡ് ഇലക്‌ട്രോണിക്‌സ് എന്നിവയില്‍ എന്‍ജിനീയറിങ് ബിരുദം അല്ലെങ്കില്‍ എം.സി.എഎം.എസ്.സി കംപ്യൂട്ടര്‍ സയന്‍സ് അല്ലെങ്കില്‍ തത്തുല്യ യോഗ്യത. ഏഴ് മാസത്തെ പരിശീലനത്തില്‍ പങ്കെടുക്കുന്നവര്‍ക്ക് പ്രതിമാസം 5500 രൂപ സ്‌റ്റൈപന്റ് ലഭിക്കും. പോസ്റ്റ് പ്രൊഡക്ഷന്‍ ടെക്‌നോളജീസ് ഇന്‍ ഓഡിയോവിഷ്വല്‍ മീഡിയ: വിഷ്വല്‍ മീഡിയ പോസ്റ്റ് പ്രൊഡക്ഷന്‍ ടെക്‌നോളജിയില്‍പ്പെടുന്ന സൗണ്ട് എന്‍ജിനീയറിങ്, എഡിറ്റിങ്, വിഷ്വല്‍ ഇഫക്ട് തുടങ്ങിയവയിലാണ് പരിശീലനം. പരിശീലന കാലാവധി ആറു മാസം. ഏതെങ്കിലും വിഷയത്തില്‍ എന്‍ജിനീയറിങ് ബിരുദമുള്ളവരെയാണ് പരിഗണിക്കുന്നത്. പ്രതിമാസ സ്‌റ്റൈപന്റ് 5000 രൂപ.
മാറ്റ്‌ലാബ്: യോഗ്യതഇലക്‌ട്രോണിക്‌സ്, ഇലക്ട്രിക്കല്‍, കംപ്യൂട്ടര്‍ സയന്‍സ്, ഐ.ടി, അപ്ലൈഡ് ഇലക്‌ട്രോണിക്‌സ് എന്നിവയില്‍ എന്‍ജിനീയറിങ് ബിരുദംഎം.സി.എഎം.എസ്.സി. (കംപ്യൂട്ടര്‍ സയന്‍സ്). പരിശീലന കാലാവധി നാലു മാസം.
ടുഡി ആന്‍ഡ് ത്രീഡി ഗെയിം ഡെവലപ്‌മെന്റ്: യോഗ്യത എന്‍ജിനീയറിങ്എം.സി.എ ബി.സി.എ ബിരുദം. ആറു മാസത്തെ പരിശീലനത്തില്‍ പങ്കെടുക്കുന്നവര്‍ക്ക് പ്രതിമാസം 3500 രൂപ സ്‌റ്റൈപന്റ് ലഭിക്കും.
വിദ്യാഭ്യാസ യോഗ്യത, വയസ്, ജാതി എന്നിവ തെളിയിക്കുന്ന സര്‍ട്ടിഫിക്കറ്റുകളുടെ ശരിപ്പകര്‍പ്പ് സഹിതം സെപ്റ്റംബര്‍ അഞ്ചിനകം സൈബര്‍ശ്രീ സെന്റര്‍, സിഡിറ്റ്, പൂര്‍ണ്ണിമ, ടി.സി.812964, തൈക്കാട് പി.ഒ, തിരുവനന്തപുരം695014 എന്ന വിലാസത്തില്‍ നേരിട്ട് ഹാജരാകണം. വിശദ വിവരങ്ങള്‍ക്ക്: 0471 2323949.