ചെറുവത്തൂര്‍: പിലിക്കോട് ഉത്തരമേഖലാ കാര്‍ഷിക ഗവേഷണ കേന്ദ്രം ശതാബ്ദി ആഘോഷം ഓഗസ്റ്റില്‍ തുടങ്ങും. നാലുമാസം  നീളുന്ന വൈവിധ്യങ്ങളായ പരിപാടികള്‍ ആഘോഷ ഭാഗമായി നടക്കും.  100 വര്‍ഷത്തെ ഗവേഷണ ചരിത്രം ഉള്‍പ്പെടുത്തി സുവനീര്‍, തെങ്ങു കൃഷിയുടെ സമ്പൂര്‍ണ്ണ ഗ്രന്ഥം, ഓര്‍ഗാനിക് കൈപ്പുസ്തകം പുറത്തിറക്കല്‍ എന്നിവയും കാര്‍ഷിക കായിക മത്സരങ്ങള്‍, നാടന്‍ പാട്ടു മത്സരം തുടങ്ങിയവയും ആസൂത്രണം ചെയ്തിട്ടുണ്ട്. ഫാം ഷോയോടു കൂടിയാണു ശതാബ്ദി ആഘോഷം സമാപിക്കുക. ലോഗോ എം രാജഗോപാലന്‍ എം.എല്‍.എ പ്രകാശനം ചെയ്തു. പിലിക്കോട് പഞ്ചായത്ത് പ്രസിഡന്റ് ടി.വി ശ്രീധരന്‍ അധ്യക്ഷനായി. അസോസിയേറ്റ് ഡയറക്ടര്‍ ഡോ.കെ.അബ്ദുള്‍ കരീം പരിപാടികള്‍ വിശദീകരിച്ചു. മുന്‍ എം.എല്‍.എ കെ കുഞ്ഞിരാമന്‍, ഡോ.പി.കെ രതീഷ്, ഫാം സൂപ്രണ്ട് എം.വി പ്രേമരാജന്‍, പന്നിയൂര്‍ കുരുമുളക് ഗവേഷണ കേന്ദ്രം മേധാവി ഡോ.വി.പി നീമ, എന്‍.കെ മനോജ് സംസാരിച്ചു.