തിരുവനന്തപുരം/ന്യൂഡല്‍ഹി: എസ്.എസ്.എല്‍.സി പരീക്ഷാഫലം നാളെ ഉച്ചയ്ക്ക് രണ്ടിന് പ്രഖ്യാപിക്കും. ടി.എച്ച്.എസ്.എല്‍.സി, ടി.എച്ച്.എസ്.എല്‍.സി (ഹിയറിങ് ഇംപേഡ്), എസ്.എസ്.എല്‍.സി (ഹിയറിങ് ഇംപേഡ്), എ.എച്ച്.എസ്.എല്‍.സി എന്നീ പരീക്ഷകളുടെ ഫലപ്രഖ്യാപനവും ഒപ്പം നടക്കും.
പി.ആര്‍.ഡി ലൈവ് എന്ന മൊബൈല്‍ ആപ്പിലും http:keralapareekshabhavan.in, https:slcexam.kerala.gov.in, http:esults.itschool.gov.in, http:esults.kerala.nic.in, www.prd.kerala.gov.in, www.results.kite.kerala.gov.in സൈറ്റുകളിലും ഫലമറിയാം.
എസ്.എസ്.എല്‍.സി (എച്ച്.ഐ), ടി.എച്ച്.എസ്.എല്‍.സി (എച്ച്.ഐ) ഫലം http:slchiexam.kerala.gov.in എന്ന സൈറ്റിലും ടി.എച്ച്.എസ്.എല്‍.സി ഫലം http:thslcexam.kerala.gov.in എന്ന സൈറ്റിലും ലഭ്യമാകും. ഗൂഗിള്‍ പ്ലേ സ്റ്റോറില്‍ നിന്നും ആപ്പ് സ്റ്റോറില്‍ നിന്നും പി.ആര്‍.ഡി ലൈവ് ആപ് ഡൗണ്‍ലോഡ് ചെയ്യാം.
കൈറ്റിന്റെ 'സഫലം 2019' മൊബൈല്‍ ആപ് വഴിയും ഫലമറിയാം. പ്രൈമറിതലം മുതലുളള കൈറ്റ് ബ്രോഡ്ബാന്‍ഡ് ഇന്റര്‍നെറ്റുള്ള സ്‌കൂളുകളിലും ഫലമറിയാനുള്ള സംവിധാനം ഒരുക്കുമെന്ന് കൈറ്റ് വൈസ് ചെയര്‍മാന്‍ കെ. അന്‍വര്‍ സാദത്ത് അറിയിച്ചു.
സി.ബി.എസ്.ഇ ഫലം ഇന്ന് പ്രസിദ്ധീകരിക്കും. സി.ബി.എസ്.ഇ വെബ്‌സൈറ്റ് വഴി ഫലം അറിയാം. cbse.nic.in cbseresults.nic.in