കൊണ്ടോട്ടി: ഈ വര്‍ഷത്തെ റമദാനിലെ പകലിന് ദൈര്‍ഘ്യമേറെ.14 മണിക്കൂറാണ് റമദാന്റെ പകലിന്റെ ദൈര്‍ഘ്യം.നോമ്പ് ആരംഭിക്കുന്നതിന്റെ അടയാളമായി വിശ്വാസികള്‍ കണക്കാക്കുന്ന സുബഹ് നിസ്‌കാരം 4.46 നാണ് ആരംഭിക്കുന്നത്.അസ്തമയത്തില്‍ നോമ്പ് തുറക്കുന്ന മഗ്‌രിബ് ബാങ്ക് സമയം വൈകുന്നേരം 6.44നുമാണ്. ഇത് പിന്നീട് റമദാന്‍ അവസാനത്തിലെത്തുമ്പോള്‍ സുബഹ് 4.39ല്‍ തുടങ്ങി മഗ്‌രിബ് 6.51 വരെയെത്തും.
കടുത്ത വേനലില്‍ ദൈര്‍ഘ്യമേറിയ പകലിലെ റമദാന്‍ ഏറെക്കാലങ്ങള്‍ക്ക് ശേഷമാണെന്ന് പൂര്‍വികര്‍ പറയുന്നു.
കഴിഞ്ഞ ഏതാനും വര്‍ഷങ്ങളായി മഴക്കാലത്താണ് റമദാന്‍ കാലമുണ്ടായിരുന്നത്.കഴിഞ്ഞ റമദാന്‍ മെയ് അവസാനത്തിലാണ് ആരംഭിച്ചിരുന്നത്.അടുത്ത വര്‍ഷം ഏപ്രിലില്‍ ആയിരിക്കും നോമ്പെത്തുക.