ചേര്‍ത്തല: സംസ്ഥാനത്ത് മൂന്നിടങ്ങളില്‍ എന്‍.ഡി.എ വിജയിക്കുമെന്ന് ബി.ഡി.ജെ.എസ് സംസ്ഥാന അധ്യക്ഷന്‍ തുഷാര്‍ വെള്ളാപ്പള്ളി. മറ്റിടങ്ങളില്‍ വോട്ടുവിഹിതം വര്‍ധിപ്പിക്കുകയും ചെയ്യും. കേന്ദ്രത്തില്‍ എന്‍.ഡി.എ തന്നെ അധികാരത്തില്‍ വരും.
ബി.ഡി.ജെ.എസ് മത്സരിച്ച സ്ഥലങ്ങളില്‍ ബി.ജെ.പി പൂര്‍ണമായി സഹകരിച്ചെന്നാണ് വിലയിരുത്തലെന്ന് തെരഞ്ഞെടുപ്പ് അവലോകനത്തിനായി ചേര്‍ന്ന സംസ്ഥാന നേതൃയോഗത്തിനുശേഷം തുഷാര്‍ വെള്ളാപ്പള്ളി മാധ്യമങ്ങളോട് പറഞ്ഞു.

വയനാട് വിഷയത്തില്‍ ബി.ജെ.പിക്കെതിരേ പ്രസ്താവന നടത്തിയ പാര്‍ട്ടി ജില്ലാ സെക്രട്ടറിയുടെ നടപടി തെറ്റാണ്. അദ്ദേഹത്തോട് വിശദീകരണം തേടുമെന്നും തുഷാര്‍ പറഞ്ഞു.