ദോഹ. മഹാപ്രളയക്കെടുതിയില്‍ നീറുന്ന കേരളത്തിന് ഐകദാര്‍ഡ്യം പ്രഖ്യാപിച്ച് കൊണ്ട് തൃശൂര്‍ ആര്‍ട്ട് സെന്റര്‍ കളിമുറ്റം ടാലന്റ് ക്യാമ്പില്‍ പങ്കെടുത്ത കുഞ്ഞുങ്ങള്‍ സമാഹരിച്ച തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി.

തൃശൂര്‍ ആര്‍ട്ട് സെന്ററില്‍ നടന്ന കളിമുറ്റം സമാപന ചടങ്ങില്‍, TAC ഭാരവാഹികളുടെ സാന്നിദ്ധ്യത്തില്‍ വെച്ചാണ് ഐസിസി പ്രസിഡണ്ട് ശ്രീമതി. മിലന്‍ അരുണ്‍ കുഞ്ഞുങ്ങള്‍ സമാഹരിച്ച ഈ തുക ഏറ്റു വാങ്ങിയത്. ഇനിയും വറ്റാത്ത കാരുണ്യത്തിന്റെ കരങ്ങള്‍ പുതു തലമുറ ഏറ്റെടുക്കുന്നതിന്റെ ആവേശക്കാഴ്ചക്ക് നിറ സദസ്സ് സാക്ഷ്യം വഹിച്ചു.