റിയാദ്:  കോട്ടയം സ്വദേശിനി റിയാദിൽ നിര്യാതയായി. പൊൻ കുന്നം വട്ടക്കുയിൽ ബീന തോമസാ (41)ണ്‌ റിയാദിലെ സ്വകാര്യ ആശുപത്രിയിൽ വെച്ച് മരിച്ചത്.  റിയാദിലെ അൽ അനൂഫ് ക്ലീനിങ്​ കമ്പനിയിൽ ജീവനക്കാരിയായ ബീനക്ക്​ നേരത്തെ ഗർഭാശയാർബുദം ബാധിക്കുകയും ശസ്​ത്രക്രിയക്ക്​ വിധേയയാകുകയും സുഖം പ്രാപിക്കുകയും ചെയ്​തിരുന്നു. ശേഷമാണ്​ റിയാദിലെത്തിയത്.

ശാരീരികാസ്വസ്ഥതയെ തുടർന്ന് കഴിഞ്ഞ ദിവസം ആശുപത്രി യിലെത്തിച്ചെങ്കിലും മരണം സംഭവിക്കുകയായിരുന്നു. നാലുവർഷമായി റിയാദിൽ ജോലി ചെയ്യുന്ന ബീന ഒരു വർഷം മുമ്പാണ്​ അവധിക്ക്​ നാട്ടിൽ പോയി മടങ്ങിയെത്തിയത്​.  ഭർത്താവ്​ സാബുവും രണ്ട്​ മക്കളും നാട്ടിലാണ്​. റിയാദ്​ ശുമൈസി ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം ശനിയാഴ്​ച ഉച്ചക്ക്​ ശേഷം കൊച്ചിയിലേക്ക്​ പുറപ്പെടുന്ന സൗദി എയർലൈൻസ്​ വിമാനത്തിൽ കൊണ്ടു പോകും. നടപടികൾ പൂർത്തീകരിക്കാൻ  കെ.എം.സി.സി നേതാവ് തെന്നല മൊയ്​തീൻ കുട്ടിയും കമ്പനി സൂപ്പർവൈസർ സുനിതയും ​രംഗത്തുണ്ടായിരുന്നു.