കോഴിക്കോട്: എസ്.കെ.എസ്.എസ്.എഫ് ജില്ലാ കമ്മിറ്റി അബൂദബി ജില്ലാ കമ്മിറ്റിയുടെ സഹകരണത്തോടെ ഓഗസ്റ്റ് മുതല്‍ മഹല്ല് കേന്ദ്രീകരിച്ചു നടത്തുന്ന 'നാട്ടു നന്മ' ത്രൈമാസ കാംപയിനിന്റെ ഭാഗമായി ആര്‍.പിമാര്‍ക്ക് ട്രെയ്‌നിങ് ശില്‍പശാല സംഘടിപ്പിച്ചു. സയ്യിദ് മുബശ്ശിര്‍ തങ്ങള്‍ ജമലുല്ലൈലി ഉദ്ഘാടനം ചെയ്തു. പി. കുഞ്ഞാലന്‍കുട്ടി ഫൈസി അധ്യക്ഷനായി.
ഹരിസ് ബാഖവി അബൂദബി ആമുഖ പ്രഭാഷണം നടത്തി. ആസിഫ് ദാരിമി പുളിക്കല്‍, റഷീദ് മാസ്റ്റര്‍ കോടിയൂറ, മുനീര്‍ ഹുദവി ചേലേമ്പ്ര ക്ലാസുകള്‍ക്ക് നേതൃത്വം നല്‍കി. ജില്ലാ സെക്രട്ടറി ഒ.പി അഷ്‌റഫ് സ്വാഗതവും അലി അക്ബര്‍ മുക്കം നന്ദിയും പറഞ്ഞു. ടി.പി സുബൈര്‍ മാസ്റ്റര്‍ കുറ്റിക്കാട്ടൂര്‍, നൂറുദ്ദീന്‍ ഫൈസി മുണ്ടുപാറ ശംസുദ്ദീന്‍ ഫൈസി അഴിയൂര്‍, കബീര്‍ റഹ്മാനി ആയഞ്ചേരി സംബന്ധിച്ചു.