മലപ്പുറം: കാലവര്‍ഷക്കെടുതിയില്‍പ്പെട്ടവരെ സഹായിക്കുന്നതിനായി ബ്രൂണെ കെ.എം.സി.സി സമാഹരിച്ച സഹായധനം ഒന്നാംഘട്ട വിതരണം തിരൂരങ്ങാടി കൊടിഞ്ഞിയില്‍ നടന്നു.
പൂര്‍ണമായും പുനര്‍ നിര്‍മിക്കേണ്ട വീടുകള്‍ക്കുള്ള 70,000 രൂപ വീതം കൊല്ലഞ്ചേരി ഹമീദ് തിരുത്തി, എന്‍.കെ മുഹമ്മദ് ചമ്രവട്ടം എന്നിവര്‍ക്കും ഭാഗികമായി വീട് നിര്‍മാണ സഹായത്തിനുള്ള 25,000 രൂപ വീതം അമീര്‍ ഏങ്കോത് ഒളവട്ടൂര്‍, പണ്ഡാരതോപ്പില്‍ ഖൈറുന്നീസ തിരുത്തി, ചെറുവീട്ടില്‍ സൈദലവി പുത്തരിക്കല്‍ പരപ്പനങ്ങാടി എന്നിവര്‍ക്കും വീട്ടുപകരണങ്ങള്‍ വാങ്ങാനുള്ള സഹായമായി തിരുത്തി, പരപ്പനങ്ങാടി പ്രദേശങ്ങളിലെ 11 വീട്ടുകാര്‍ക്ക് 48,000 രൂപയും ക്യാഷ് ആയി വിതരണം ചെയ്തു. കെ.എം.സി.സി മുന്‍ ഭരവാഹികളായിരുന്ന പ്രൊഫ. അബ്ദുല്ലത്തീഫ് കാവനൂര്‍, അബ്ബാസ് മാസ്റ്റര്‍ അരൂര്‍, അനസ് മാസ്റ്റര്‍ വേങ്ങര, പൊകലശ്ശേരി മുസ്തഫ, മുസ്‌ലിം ലീഗ് നേതാക്കളായ ഒടിയില്‍ പീച്ചു, ആര്‍.കെ ഹമീദ്, വി.പി ഹംസ എന്നിവരുടെ നേതൃത്വത്തിലാണ് വിതരണം നടന്നത്്.