ജിദ്ദ: നയതന്ത്രബന്ധം വിച്ഛേദിക്കപ്പെട്ട് കഴിയുന്ന ഖത്തറില്‍ നിന്ന് ഹജ്ജ്, ഉംറ തീര്‍ഥാടനം ഉദ്ദേശിക്കുന്നവര്‍ക്കായി സഊദി ഹജ്ജ് ഉംറ മന്ത്രാലയം പ്രത്യേക ഓണ്‍ലൈന്‍ രജിസ്‌ട്രേഷന്‍ സൗകര്യം ഏര്‍പ്പെടുത്തി. ജിദ്ദയിലെ കിംഗ്് അബ്ദുല്‍ അസീസ് വിമാനത്താവളം, മദീനയിലെ പ്രിന്‍സ് മുഹമ്മദ് വിമാനത്താവളം എന്നിവ വഴി ഉംറയ്ക്കും ഹജ്ജിനും എത്തുന്ന ഖത്തര്‍ തീര്‍ഥാടകര്‍ക്കായി tthps://qatariu.haj.gov.sa (tthps://eservices.haj.gov.sa/eservices3) എന്ന ഇലക്‌ട്രോണിക് പാഥ് ആണ് സംവിധാനിച്ചിരിക്കുന്നത്. സഊദി ഹജ്ജ് മന്ത്രാലയം സൈറ്റിലെ 'മഖാം' ലിങ്ക് വഴി രജിസ്ട്രര്‍ ചെയ്യുന്ന ഖത്തറില്‍ നിന്നുള്ള പ്രവാസികളെയും സഊദി അധികൃതര്‍ തീര്‍ഥാടനത്തിന് സ്വാഗതം ചെയ്തു.