കോഴിക്കോട്: പ്ലസ് ടു പരീക്ഷയില്‍ തോറ്റതിന് ആത്മഹത്യാ ശ്രമം നടത്തിയ വിദ്യാര്‍ഥിനി ആശുപത്രിയില്‍ മരിച്ചു. മലപ്പുറം പള്ളിക്കല്‍ ബസാര്‍ പരുത്തിക്കോട് സ്വദേശി ശ്രീതു (17) ആണ് മരിച്ചത്. 90 ശതമാനം പൊള്ളലേറ്റ ശ്രീതു കോഴിക്കോട് മെഡിക്കല്‍ കോളേജ്‌ ആശുപത്രിയിലെ തീവ്രപരിചരണ വിഭാഗത്തില്‍ ചികിത്സയിലായിരുന്നു. പ്ലസ് ടു പരീക്ഷയില്‍ രണ്ട് വിഷയത്തില്‍ പരാജയപ്പെട്ടതാണ് ആത്മഹത്യയ്ക്ക് കാരണമെന്ന് വിദ്യാര്‍ഥിനി പൊലിസിന് മൊഴി നല്‍കിയിരുന്നു.