പെരിന്തല്‍മണ്ണ: ആലിപ്പറമ്പ് ഗവ. ഹയര്‍സെക്കന്‍ഡറി സ്‌കൂളിലെ വിവിധ ക്ലബുകളുടെ ഉദ്ഘാടനവും ചാന്ദ്രദിനാചരണവും സ്‌കൂള്‍ ഹാളില്‍വച്ച് സി. മോഹന്‍ദാസ് മാസ്റ്റര്‍ നിര്‍വഹിച്ചു. വിജയികള്‍ക്ക് സമ്മാനങ്ങള്‍ വിതരണം ചെയ്തു. 9-ാം തരത്തിലെ കുട്ടികള്‍ തയാറാക്കിയ ചാന്ദ്രദിന പതിപ്പ് കെ. നവ്യ, മറിയ കുരിയാക്കോസ് എന്നിവര്‍ക്കു നല്‍കി സി.മോഹന്‍ഹന്‍ദാസ് പ്രകാശനം ചെയ്തു.
പി.ടി.എ പ്രസിഡന്റ് ടി.സുരേഷ്ബാബു അധ്യക്ഷനായി. സ്‌കൂള്‍ എസ്.എം.സി ചെയര്‍മാന്‍ എം.ടി അബ്ദുല്‍ റസാഖ്, പി.ടി.എ വൈസ് പ്രസിഡന്റ് കെ.സാദിഖ്, ഹെഡ്മാസ്റ്റര്‍ സി.എം പ്രേമാനന്ദ്, പി. ബിബിന്‍, ആകാശ്. എസ്. ബാബു, ആര്‍. ലക്ഷ്മി നന്ദന, മറിയ കുരിയാക്കോസ്, ടി. ഷന്‍മാസ്, വി.ആര്‍ ഹൃദ്യ, പി. വീണ, വി. വര്‍ണ, കെ. ജാസി, പി. വര്‍ഷ, കെ.സുരേഷ്, കെ.ഗോപാലന്‍ സംസാരിച്ചു.
പടിഞ്ഞാറ്റുമുറി:  ഓര്‍ഫനേജ് യു.പി സ്‌കൂളില്‍ സയന്‍സ് ക്ലബിന്റെ ആഭിമുഖ്യത്തില്‍ ചാന്ദ്രദിന ക്വിസ് മത്സരം സംഘടിപ്പിച്ചു.
യു.കെ ഷിഫാന, മുഹമ്മദ് ഷമീം, സി. അര്‍ച്ചന എന്നിവര്‍ യഥാക്രമം ഒന്നും രണ്ടും മൂന്നും സ്ഥാനങ്ങള്‍ നേടി. അധ്യാപകരായ ഇ.സി അബ്ദുന്നാസിര്‍, എ. അബ്ദുസ്സലീം, പ്രജീഷ് മണലിയില്‍, വി. ഷമീമ നേതൃത്വം നല്‍കി. വിജയികളെ ഹെഡ്മിസ്ട്രസ് വി.ടി ആസ്യ അനുമോദിച്ചു.